2019 December 13 Friday
ഐക്യാഹ്വാനം ചെയ്ത് റിയാദിൽ ഗൾഫ് ഉച്ചകോടി

ഡല്‍ഹിയിലെത്തിയ ഷാ ഫൈസലിനെ കസ്റ്റഡിയിലെടുത്തു; പിന്നാലെ കശ്മീരിലേക്ക് മടക്കി അയച്ചു

 

ന്യൂഡല്‍ഹി: സിവില്‍ സര്‍വീസ് ഉപേക്ഷിച്ച് രാഷ്ട്രീയത്തില്‍ സജീവമായ ജമ്മുകശ്മീരിലെ മുന്‍ ഐ.എ.എസ് ഓഫിസര്‍ ഷാ ഫൈസലിനെ ഡല്‍ഹി എയര്‍പോര്‍ട്ടില്‍ നിന്ന് നാട്ടിലേക്കു തിരിച്ചയച്ചു. ഇന്ന് ഉച്ചയോടെ ഡല്‍ഹി വിമാനത്താവളത്തില്‍ വിമാനമിറങ്ങിയ ഫൈസലിനെ കസ്റ്റഡിയിലെടുത്ത ശേഷം അടുത്ത വിമാനത്തില്‍ ശ്രീനഗറിലേക്കു മടക്കി അയക്കുകയായിരുന്നു. കസ്റ്റഡിയിലെടുത്ത ശേഷം അദ്ദേഹത്തെ ശ്രീനഗറിലേക്ക് കൊണ്ടുപോയി പൊതുസുരക്ഷാ നിയമപ്രകാരം വീട്ടുതടങ്കലിലാക്കിയിരിക്കുകയാണെന്നും തുര്‍ക്കിയിലെ ഇസ്താംബൂളിലേക്ക് പോകുകയായിരുന്നു അദ്ദേഹമെന്നും വാര്‍ത്താ ഏജന്‍സി റിപ്പോര്‍ട്ട് ചെയ്തു.

കശ്മീരിന്റെ പ്രത്യേക പദവി റദ്ദാക്കിയതിനു പിന്നാലെ ഷാ ഫൈസല്‍ മോദി സര്‍ക്കാറിനെതിരെ രൂക്ഷമായി വിമര്‍ശനങ്ങള്‍ അഴിച്ചുവിട്ടിരുന്നു. മുമ്പെങ്ങുമില്ലാത്ത തരത്തിലുള്ള അടിച്ചമര്‍ത്തല്‍ നേരിടുകയാണ് തങ്ങളെന്നും കശ്മീരിലെ 80 ലക്ഷം വരുന്ന ജനങ്ങളെ പൂട്ടിയിട്ടിരിക്കുകയാണെന്നുമായിരുന്നു അദ്ദേഹം ആരോപിച്ചിരുന്നു.

ജമ്മുകശ്മീരിലെ മുന്‍നിര രാഷ്ട്രീയ നേതാക്കളെല്ലാം വീട്ടുതടങ്കലിലാണ്. മുന്‍ മുഖ്യമന്ത്രിമാരായ പി.ഡി.പി നേതാവ് മഹ്ബൂബ മുഫ്തി, നാഷണല്‍ കോണ്‍ഫറന്‍സ് നേതാവ് ഉമര്‍ അബ്ദുല്ല എന്നിവര്‍ക്ക് പുറമെ സി.പി.എം നേതാവ് യൂസഫ് തരിഗാമി എം.എല്‍.എ എന്നിവരും അറസ്റ്റിലാണ്. പാര്‍ലമെന്റ് സമ്മേളനം സമാപിച്ചതിന് പിന്നാലെ കശ്മീരില്‍ വിമാനമിറങ്ങിയ രാജ്യസഭാ പ്രതിപക്ഷ നേതാവ് ഗുലാംനബി ആസാദിനെയും ഡല്‍ഹിയിലേക്ക് തിരിച്ചയച്ചിരുന്നു.

അതേസമയം, ഷാ ഫൈസലിനെ വീട്ടുതടങ്കലിലാക്കിയ നടപടിക്കെതിരെ മാധ്യമപ്രവര്‍ത്തകന്‍ പ്രതിക് സിന്‍ഹ രംഗത്തുവന്നു. വിദേശത്തേക്ക് യാത്ര പോകുന്നതും ക്രിമിനല്‍ കുറ്റമാക്കിയോ എന്ന് അദ്ദേഹം ചോദിച്ചു. വിദേശത്തേക്ക് പോകുന്നതും ഇപ്പോള്‍ ക്രിമിനല്‍ കുറ്റമായോ? ഇത് അന്യായമാണ്. ഏത് ജനാധിപത്യത്തിലാണ് ഇങ്ങനെയൊക്കെ സംഭവിക്കുക?- പ്രതിക് സിന്‍ഹ ട്വീറ്റ്‌ചെയ്തത്.

 

English Today’s Paper ePaper INDIA Advertising Shah Faesal detained at Delhi airport, sent back to Srinagar


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.