2019 April 25 Thursday
ഒരു പ്രഭുവിന്റെ രക്തത്തെക്കാള്‍ വില കൂടിയതത്രെ ഒരു പിച്ചക്കാരന്റെ കൈയിലുള്ള പുസ്തകം -വില്യം ഷേക്‌സ്പിയര്‍

അമ്മയില്‍ ഭിന്നത: ഗ്രൂപ്പ് തിരിഞ്ഞു അടി തുടങ്ങി

 

കൊച്ചി: അമ്മയില്‍ ഭിന്നത രൂക്ഷം. നടന്‍ സിദ്ദീഖും കെ.പി.എസ്.സി ലളിതയും ഡ ബ്യൂ സി സി അംഗങ്ങള്‍ക്കു അക്കമിട്ടു മറുപടി പറഞ്ഞയുടനെ അമ്മയുടെ വക്താവും ട്രഷററുമായി നടന്‍ ജഗതീഷ് സിദ്ദീഖിനെ തള്ളി രംഗത്തുവന്നു.
താന്‍ അമ്മയുടെ പ്രസിഡന്റിനോട് ചര്‍ച്ച ചെയ്ത ശേഷമാണ് പത്രകുറിപ്പ് തയ്യാറാക്കിയതെന്നും സിദ്ദീഖിന്റെ നിലപാടിനെ കുറിച്ചു അറിയില്ലെന്നുമാണ് ജഗതീഷ് പറഞ്ഞത്.
അതേ സമയം ഞാന്‍ വൈസ് പ്രസിഡണ്ടാണെന്നും ട്രഷററെ ഇതുപറയാന്‍ നിയോഗിച്ചിട്ടില്ലെന്നുമാണ് സിദ്ദീഖ് പറഞ്ഞത്. ഇതില്‍ ആരുടെ അഭിപ്രായമാണ് അമ്മയുടേതെന്ന് വ്യക്തമാക്കണമെന്ന് നടി പാര്‍വതിയും പറഞ്ഞു.
സിദ്ദീഖിന്റെ നേതൃത്വത്തില്‍ ദീലീപിനെ പിന്തുണക്കുന്ന ഒരു വിഭാഗവും നടികളെ പിന്തുണക്കുന്ന ജഗതീഷിന്റെ നേതൃത്വത്തിലുള്ള മറ്റൊരു വിഭാഗവുമാണ് ഇപ്പോള്‍ രണ്ടു ഗ്രൂപ്പായി പ്രവര്‍ത്തിക്കുന്നത്.

നേരത്തെ നടത്തിയ പത്രസമ്മേളനത്തില്‍ സിദ്ദീഖ് പൂര്‍ണമായും ദിലീപിനെ പിന്തുണച്ചാണ് രംഗത്തു വന്നത്. ഡബ്യു.സി.സി അംഗങ്ങള്‍ മോഹന്‍ലാലിനെ അധിക്ഷേപിക്കാന്‍ ശ്രമിച്ചു. സംഘടനക്കുള്ളില്‍ നിന്ന് പ്രസിഡന്റിനെ ചീത്ത വിളിക്കുന്നത് ശരിയല്ല. ദിലീപിനെ റേപ്പിസ്റ്റ് എന്നു വിളിക്കുന്നത് ശരിയല്ല.

ആരുടേയും ജോലി സാധ്യത തള്ളിക്കളയുന്ന സംഘടനയല്ല അമ്മ. പറഞ്ഞു തീര്‍ക്കാവുന്ന പ്രശ്‌നങ്ങളേ സംഘടനയിലുള്ളു. സംഘടനയുടെ ആഭ്യന്തര കാര്യങ്ങള്‍ പുറത്തു പറയാനുള്ളതല്ല. ആരോപണങ്ങള്‍ ഉന്നയിക്കുമ്പോള്‍ പേരു പറയണം. രാജിവച്ച് പുറത്തു പോയവരെ തിരിച്ചു വിളിക്കില്ലെന്ന് അദ്ദേഹം ആവര്‍ത്തിച്ചു. നടിമാര്‍ എന്നു വിളിച്ചുവെന്ന ആരോപണം ബാലിശമെന്ന് പറഞ്ഞ സിദ്ദീഖ് നടിമാര്‍ എന്നു വിളിക്കുന്നത് അപമാനമല്ല. അഭിമാനമെന്നും കൂട്ടിച്ചേര്‍ത്തു.
മീടൂ ക്യംപയിന്‍ ദുരുപയോഗം ചെയ്യരുത്. അതിന്റെ വിശ്വാസ്യത ഇല്ലാതാക്കരുതെന്നും അദ്ദേഹം പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.