2020 July 15 Wednesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഡല്‍ഹിയില്‍ 82 വിമാന സര്‍വിസുകള്‍ റദ്ദാക്കി: ആദ്യം ദിനം തന്നെ അനിശ്ചിതത്വം

ന്യൂഡല്‍ഹി: നീണ്ട ഇടവേളകള്‍ക്ക് ശേഷം പുനരാരംഭിച്ച ആഭ്യന്തര വിമാനസര്‍വിസില്‍ നിരവധി സര്‍വിസുകള്‍ അവസാനനിമിഷം റദ്ദാക്കി. ഇതോടെ രാജ്യത്തെ വിവിധ വിമാനത്താവളങ്ങളിലായി യാത്രക്കാര്‍ വലഞ്ഞു.

ഡല്‍ഹിയില്‍ നിന്നുള്ള 82 സര്‍വിസുകളാണ് റദ്ദാക്കിയത്. അവസാനനിമിഷം വരെ സര്‍വിസുകള്‍ റദ്ദാക്കുന്ന കാര്യം അറിയിച്ചില്ലെന്ന് ഡല്‍ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലെത്തിയ യാത്രക്കാര്‍ വ്യക്തമാക്കി.

അതേ സമയം ആഭ്യന്തര സര്‍വീസുകള്‍ നടത്താന്‍ തീരുമാനിച്ചതില്‍ നിന്നും വിവിധ സംസ്ഥാനങ്ങള്‍ പിന്മാറിയതിനെ തുടര്‍ന്നാണ് വിമാനങ്ങള്‍ റദ്ദു ചെയ്യേണ്ടിവന്നതെന്ന് വിമാനത്താവള അധികൃതര്‍ വ്യക്തമാക്കി. ഡല്‍ഹി വിമാനത്താവളത്തില്‍ നിന്ന് 125 വിമാനങ്ങളായിരുന്നു ഇന്ന് പോവേണ്ടിയിരുന്നത്. 118 വിമാനങ്ങള്‍ വിമാനത്താവളത്തിലേക്കിറങ്ങേണ്ടതുമായിരുന്നു.

മുംബൈയിലെ ഛത്രപതി ശിവാജി അന്താരാഷ്ട്ര വിമാനത്താവളത്തിലും ഇതേ സാഹചര്യമാണുണ്ടായത്. നിരവധി യാത്രക്കാരാണ് വിമാനങ്ങള്‍ റദ്ദു ചെയ്തതിനെ തുടര്‍ന്ന് പ്രതിസന്ധിയിലായത്.ഡല്‍ഹിയില്‍ നിന്ന് പൂനെയിലേക്ക് പുലര്‍ച്ചെ 4.45ന് പുറപ്പെടേണ്ടതായിരുന്നു ആദ്യത്തെ വിമാനം. മുംബൈയില്‍ നിന്നും 6.45നായിരുന്നു ആദ്യ വിമാനം പോകേണ്ടിയിരുന്നത്.ചെന്നൈ, ഗുവാഹത്തി, ബെംഗളൂരു, ഇംഫാല്‍ എന്നീ വിമാനത്താവളങ്ങളിലും സര്‍വിസുകള്‍ റദ്ദാക്കപ്പെട്ടതിനെ തുടര്‍ന്ന് യാത്രക്കാര്‍ ദുരിതത്തിലായി.

ബംഗളൂരുവില്‍ നിന്ന് ഒന്‍പത് സര്‍വിസുകളാണ് റദ്ദാക്കപ്പെട്ടത്. കൊല്‍ക്കത്തയില്‍ നിന്നുള്ള വിമാന സര്‍വിസുകള്‍ ആരംഭിക്കാത്തതിനെ തുടര്‍ന്നാണ് വടക്കു കിഴക്കന്‍ സംസ്ഥാനങ്ങളുള്‍പ്പെടെ വിമാന സര്‍വിസുകള്‍ റദ്ദാക്കപ്പെട്ടതെന്നാണ് അധികൃതര്‍ വ്യക്തമാക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.