2020 June 02 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കൊവിഡ്-19: സഊദിയിൽ നാല് പേർ കൂടി മരിച്ചു, പുതുതായി 140 വൈറസ് കൂടി സ്ഥിരീകരിച്ചു

മരണ സംഖ്യ 29 ആയി ഉയർന്നു

      റിയാദ്: സഊദിയിൽ കൊവിഡ്-19 വൈറസ് ബാധയേറ്റു നാല് പേർ കൂടി മരണപ്പെട്ടതായി സഊദി ആരോഗ്യ മന്ത്രാലയം അറിയിച്ചു. ഇതോടെ രാജ്യത്തെ മരണ സംഖ്യ 29 ആയി ഉയർന്നു. പുതുതായി 140 പേർക്ക് വൈറസ് ബാധ സ്ഥിരീകരിക്കുകയും ചെയ്‌തിട്ടുണ്ട്‌. ഇതോടെ വൈറസ് ബാധിതരുടെ എണ്ണം 2179 ആയി ഉയർന്നു. സഊദി ആരോഗ്യ മന്ത്രാലയം നടത്തിയ പ്രതിദിന വാർത്താ സമ്മേളനത്തിലാണ് ഇക്കാര്യം അറിയിച്ചത്. ഇതോടൊപ്പം രോഗ മുക്തി നേടിയവരുടെ എണ്ണവും വർധിച്ചിട്ടുണ്ട്. ഇത് വരെ രോഗ മുക്തി നേടിയവർ 420 ആയാണ് ഉയർന്നത്. നിലവിൽ ചികിത്സയിൽ കഴിയുന്നവർ 1730 പേരാണ്.

 

      മദീന, ജിദ്ദ, മക്ക എന്നിവിടങ്ങളിലാണ് ഇന്നത്തെ മരണം സ്ഥിരീകരിച്ചത്. മദീനയില്‍ ഒരു വിദേശിയും സ്വദേശി വനിതയും ജിദ്ദ, മക്ക എന്നിവിടങ്ങളിൽ വിദേശികളുമാണ് മരിച്ചത്. ഇന്ന് സ്ഥിരീകരിച്ച വൈറസ് ബാധ കേസുകൾ നഗരികൾ തിരിച്ചുള്ള കണക്കുകൾ ഇങ്ങനെയാണ്: റിയാദ് 66, ജിദ്ദ 21, അല്‍ അഹ്‌സ 15, മക്ക 09, തബൂക്, ഖത്വീഫ് 05 വീതം, ത്വായിഫ് നാല്, മദീന, ഖോബാര്‍, ദമാം, ജുബൈൽ, ദഹ്‌റാൻ ദഹ്റാന്‍ എന്നിവിടങ്ങളില്‍ രണ്ട് കേസുകൾ വീതം, അബഹ, ഖമീസ് മുശൈത്, ബുറൈദ, ജിസാൻ, മജ്‌മഅ, ദിരിയ്യ എന്നിവിടങ്ങളില്‍ ഓരോ കേസുകളുമാണ് കഴിഞ്ഞ 24 മണിക്കൂറിന്റെ സ്ഥിരീകരിച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.