2020 March 30 Monday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

ചൈനയില്‍ കൊറോണ വൈറസ് വ്യാപനത്തില്‍ വലിയ കുറവുണ്ടായതായി റിപ്പോര്‍ട്ട്

ബെയ്ജിങ്: ചൈനയില്‍ കൊറോണ വൈറസ് (കോവിഡ് 19) വ്യാപനത്തില്‍ വലിയ കുറവുണ്ടായതായി റിപ്പോര്‍ട്ട്. ഇന്നലെ രാജ്യത്താകെ 394 പേര്‍ക്കാണ് പുതുതായി വൈറസ് ബാധിച്ചത്. കഴിഞ്ഞ ദിവസമിത് 1,749 ആയിരുന്നു. അതിനു മുന്‍പ് 2,000ത്തിനു മുകളിലായിരുന്നു പ്രതിദിനം രോഗം ബാധിച്ചവരുടെ എണ്ണം. ഇതുവരെ വൈറസ് ബാധിച്ചവര്‍ 74,576 പേരാണ്. ഇതില്‍ 14,000ത്തിലധികം പേര്‍ ഇതിനകം രോഗം സുഖപ്പെട്ട് വീടുകളിലേക്കു മടങ്ങി.
അതേസമയം കൊറോണ വൈറസ് മൂലം ചൈനയില്‍ മരിച്ചവരുടെ എണ്ണം 2,118 ആയി. ഇന്നലെ 114 പേരാണ് മരിച്ചത്. അതിനിടെ ദക്ഷിണ കൊറിയയില്‍ ആദ്യ കോവിഡ് 19 മരണം റിപ്പോര്‍ട്ട് ചെയ്തു.
ഇറാനില്‍ മൂന്നു പേര്‍ക്കു കൂടി കൊറോണ സ്ഥിരീകരിച്ചു. രണ്ടുപേര്‍ക്ക് നേരത്തെ രോഗം പോസിറ്റീവ് ആയിരുന്നു. ജപ്പാന്റെ ഡയമണ്ട് പ്രിന്‍സസ് ആഡംബര കപ്പലിലെ വൈറസ് ബാധിച്ച യാത്രക്കാരുടെ എണ്ണം 634 ആയി. കപ്പലിലുണ്ടായിരുന്നവരില്‍ രണ്ടുപേര്‍ ഇന്നലെ മരിച്ചു.

അതേ സമയം കൊറോണ വൈറസ് ബാധയെക്കുറിച്ചുള്ള ആശങ്കകള്‍ വര്‍ധിക്കുന്ന സാഹചര്യത്തില്‍ സ്ഥിതി വിലയിരുത്തുന്നതിനായി ഗള്‍ഫ് രാജ്യങ്ങള്‍ അടിയന്തര യോഗം ചേര്‍ന്നു. ഇതുവരെ രോഗം സ്ഥിരീകരിച്ചവരുടെ കാര്യത്തില്‍ ഫലപ്രദമായ നടപടികള്‍ സ്വീകരിച്ച യു.എ.ഇയെ യോഗത്തില്‍ അഭിനന്ദിച്ചു. മറ്റു രാജ്യങ്ങളില്‍ നിന്നെത്തുന്നവര്‍ വഴി വൈറസ്ബാധ പരക്കാതിരിക്കാന്‍ അന്താരാഷ്ട്ര മാനദണ്ഡങ്ങള്‍ പ്രകാരമുള്ള എല്ലാ മുന്‍കരുതലുകളും സ്വീകരിച്ചിട്ടുണ്ടെന്ന് ഗള്‍ഫ് രാജ്യങ്ങള്‍ വിലയിരുത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.