2019 August 18 Sunday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

വധശ്രമക്കേസില്‍ പൊലിസ് തിരയുന്ന വാഹനത്തില്‍ എം.എല്‍.എ വന്നിറങ്ങി: എ.എന്‍.ഷംസീര്‍ കുരുക്കില്‍

കണ്ണൂര്‍: വധശ്രമക്കേസുമായി ബന്ധപ്പെട്ട് പൊലിസ് തിരയുന്ന വാഹനത്തില്‍ കേസില്‍ സംശയ നിഴലിലുള്ള എം.എല്‍.എ തന്നെ വന്നിറങ്ങി. തലശ്ശേരി എം.എല്‍.എ എ.എന്‍.ഷംസീര്‍ ആണ് സി.പി.എം ജില്ലാകമ്മിറ്റി യോഗത്തിലേക്ക് പൊലിസ് തിരഞ്ഞുകൊണ്ടിരിക്കുന്ന കാറില്‍ വന്നിറങ്ങിയത്. സഹോദരന്‍ എ.എന്‍ ഷാഹിറിന്റെ ഉടമസ്ഥതയിലുള്ളതാണ് ഈ കാര്‍. സി.ഒ.ടി നസീര്‍ വധശ്രമക്കേസുമായി ബന്ധപ്പെട്ടാണ് പൊലിസ് കെ.എല്‍.07 സി.ഡി 6887നമ്പര്‍ ഇന്നോവ കാര്‍ തിരയുന്നത്.
ഈ കാറിലാണ് വധശ്രമം സംബന്ധിച്ച് ഗൂഢാലോചന നടന്നതെന്നായിരുന്നു പൊലിസ് കണ്ടെത്തല്‍. തലശ്ശേരി കുണ്ടുചിറയിലെ ഡ്രൈവിങ് ടെസ്റ്റ് ഗ്രൗണ്ടിന് മുമ്പിലും ചോനാടത്തെ കിന്‍ഫ്ര പാര്‍ക്കിനടുത്തുനിന്നുമാണ് ഈ കാറില്‍ ഗൂഢാലോചന നടന്നതെന്നായിരുന്നു കേസില്‍ അറസ്റ്റിലായ പൊട്ടി സന്തോഷിന്റെ മൊഴി. പ്രസ്തുത കാര്‍ ഇതുവരെ കണ്ടെത്താനായില്ലെന്നും വാഹനത്തിനായുള്ള തെരച്ചിലിലാണെന്നുമായിരുന്നു പൊലിസ് ഇതുവരേ ആവര്‍ത്തിച്ചിരുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.