2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കേരളത്തില്‍ ലക്ഷങ്ങള്‍ അണിചേര്‍ന്നതിനെ പുകഴ്ത്തി യൂത്ത് കോണ്‍ഗ്രസ് ദേശീയ പ്രചാരണ ചുമതലയുള്ള ശ്രീവാട്സ

 

ന്യൂഡല്‍ഹി: റിപ്പബ്ലിക്ക് ദിനത്തില്‍ കേരളത്തില്‍ എല്‍.ഡി.എഫ് നടത്തിയ മനുഷ്യ മഹാശൃംഖലയെച്ചൊല്ലി കേരളത്തില്‍ യു.ഡി.എഫില്‍ വിവാദമുണ്ടാകുന്നതിനിടെ, ശംഖല തീര്‍ത്തതിന്റെ ചിത്രം പങ്കുവച്ച് കോണ്‍ഗ്രസ് നേതാവ് ശ്രീവാട്സ. യൂത്ത് കോണ്‍ഗ്രസിന്റെ ദേശീയ പ്രചാരണച്ചുമതലയുള്ള കര്‍ണാടകയില്‍ നിന്നുള്ള ശ്രീവാട്സയുടെ ട്വീറ്റ് ഇങ്ങനെ:

‘കേരളത്തിലെ മനുഷ്യ ശൃംഖലയില്‍ ലക്ഷങ്ങള്‍

ശഹീന്‍ ബാഗില്‍ റിപ്പബ്ലിക്ക് ദിനാഘോഷം

ബെംഗളൂരുവില്‍ ദലിത് ആദിവാസി മാര്‍ച്ച്

സി.എ.എ, എന്‍.ആര്‍.സി വിരുദ്ധ മുന്നേറ്റങ്ങള്‍ വലുതായിരിക്കൊണ്ടിരിക്കുന്നു. ചിത്രങ്ങള്‍ കണ്ട് ഈ കോടികളുടെ വസ്ത്രം നോക്കി തിരിച്ചറിയാന്‍ മോദി പാടുപെടും’

ഈ ട്വീറ്റിനൊപ്പം മനുഷ്യ മഹാശൃംഖലയുടെ രണ്ട് ചിത്രങ്ങളും പങ്കുവച്ചിട്ടുണ്ട്. ഷഹീന്‍ ബാഗിലെയും ബംഗളൂരുവിലെയും ചിത്രങ്ങളാണ് ഒപ്പമുള്ളത്.

പൗരത്വഭേദഗതി നിയമത്തിനെതിരെ ഇടതുമുന്നണി സംഘടിപ്പിച്ച മനുഷ്യമഹാശൃംഖലയില്‍ യു.ഡി.എഫ് അണികള്‍ പങ്കെടുത്തത് ഗൗരവത്തോടെ പരിശോധിക്കണമെന്ന് മുതിര്‍ന്ന കോണ്‍ഗ്രസ് നേതാവും എം.പിയുമായ കെ മുരളീധരന്‍ പറഞ്ഞിരുന്നു. നേതാക്കള്‍ ഇക്കാര്യം ഗൗരവമായി കാണുകയും പരിശോധിക്കുകയും വേണമെന്ന് അദ്ദേഹം ആവശ്യപ്പെട്ടു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.