2020 July 11 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

“മനോരമ”ക്കു മനോരോഗമെന്ന് മുഖ്യമന്ത്രിയുടെ പ്രസ് സെക്രട്ടറി

കോഴിക്കോട്: തിരഞ്ഞെടുപ്പ് അടുത്താല്‍ മനോരമക്കു മനോരോഗമെന്നു മുഖ്യമന്ത്രി പിണറായി വിജയന്റെ പ്രസ് സെക്രട്ടറി പി.പി അബൂബക്കര്‍. ഫെയ്‌സ്ബുക്ക് പേജില്‍ എഴുതിയ കുറിപ്പിലാണ് എം.എ ബേബിയെ ഉദ്ദരിച്ചു അദ്ദേഹം മനോരോഗമെന്ന പരാമര്‍ശം നടത്തിയത്. ദേശാഭിമാനി മുന്‍ ന്യൂസ് എഡിറ്റര്‍ കൂടിയായ അബൂബക്കര്‍ മുഖ്യമന്ത്രിയുടെ മനോരമ പത്രത്തിനെതിരേയുള്ള വിമര്‍ശനത്തിനു ചുവടു പിടിച്ചാണ് ഈ ആരോപണം ഉന്നയിച്ചിരിക്കുന്നത്. താന്‍ മനോരമയെ മനോരോഗിയെന്നു വിളിച്ചു എന്ന രീതിയില്‍ പത്രം വാര്‍ത്തകള്‍ പ്രചരിപ്പിക്കുന്നുണ്ടെന്നും ഇതു ശരിയല്ലെന്നും മുഖ്യമന്ത്രി പിണറായി വിജയന്‍ ഇന്നു പറഞ്ഞിരുന്നു. എന്നാല്‍ ഇപ്പോള്‍ അദ്ദേഹത്തിന്റെ അഡീഷണല്‍ പ്രൈവറ്റ് സെക്രട്ടറി തന്നെ ഈ വാചകം ഉദ്ദരിച്ചിരിക്കുകയാണ്.

ഫെയ്‌സ്ബുക്ക് കുറിപ്പ്

തെരഞ്ഞെടുപ്പ് വന്നാല്‍ മനോരമ മുഖംമൂടി തീര്‍ത്തും നീക്കി ഇടതുപക്ഷത്തിനെതിരെ രംഗത്തുവരുമെന്നും വോട്ടെടുപ്പ് ദിനം അടുക്കുമ്പോള്‍ അതൊരു ബാധയായി മാറുമെന്നും ഞാന്‍ പറഞ്ഞിരുന്നു. അതില്‍ ഒട്ടും അതിശയോക്തിയില്ലെന്ന് പത്രം വായിച്ചാലും ചാനല്‍ കണ്ടാലും മനസ്സിലാകും. പക്ഷേ പേടിക്കാനൊന്നുമില്ല. വോട്ടെടുപ്പ് ദിവസം തന്നെ ഈ ഇളക്കം അപ്രത്യക്ഷമാകും. പിന്നീട് നിഷ്പക്ഷതയുടെ ആവരണം വീണ്ടും എടുത്തണിയും. വായനക്കാരും പ്രേക്ഷകരും ഇതു മനസ്സിലാക്കിയാല്‍ മനോരമയോട് വെറുപ്പ് തോന്നില്ല. സഹതാപം തോന്നാം.
മനോരമയുടെ ജനനം മുതല്‍ എല്ലാ തെരഞ്ഞെടുപ്പിലും ബാധ കൂടിയതായി പഴയ പത്രം നോക്കിയാല്‍ മനസ്സിലാകും.
മനോരോഗമെന്ന് ഇന്നലെ എംഎ ബേബി പറഞ്ഞത് ഇത് വിലയിരുത്തിയാണ്.

 

 

വ്യാജ വാര്‍ത്തക്കെതിരെ സ: പിണറായി വിജയൻ

മനോരമയ്‌ക്ക് കുറച്ച് വിഷമം ഉണ്ടാകുന്നുണ്ടെന്നറിയാം, നിങ്ങളുടെ കണക്കുകൂട്ടലിനപ്പുറമാണ് ഇടതുമുന്നണി പോകുന്നത്

ഇനിപ്പറയുന്നതിൽ Pinarayi Vijayan പോസ്‌റ്റുചെയ്‌തത് 2019, ഏപ്രിൽ 8, തിങ്കളാഴ്‌ച


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.