2019 August 17 Saturday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ചിലിയെ കീഴടക്കി ഉറുഗ്വാ ഗ്രൂപ്പ് ചാംപ്യന്‍മാര്‍

ബ്രസീലിയ: ചിലിയെ കീഴടക്കി ഉറുഗ്വാ കോപ്പ അമേരിക്കന്‍ ഫുഡ്‌ബോളിലെ ഗ്രൂപ്പ് ചാംപ്യന്‍മാര്‍. ഇന്നു പുലര്‍ച്ചെ നടന്ന സി. ഗ്രൂപ്പ് ജേതാക്കളെ നിര്‍ണയിച്ച മത്സരത്തില്‍ ചിലിയെ എതിരില്ലാത്ത ഒരു ഗോളിന് പരാജയപ്പെടുത്തിയാണ് ഉറുഗ്വാ ഗ്രൂപ്പ് ജേതാക്കളായത്. 82ാം മിനിറ്റില്‍ സൂപ്പര്‍ താരം എഡിന്‍സന്‍ കവാനി നേടിയ ഉജ്വല ഹെഡറില്‍ നിന്നാണ് ഉറുഗ്വായുടെ വിജയം. ഇരു ടീമുകളും നേരത്തെ തന്നെ സി. ഗ്രൂപ്പില്‍നിന്ന് ക്വാര്‍ട്ടറില്‍ കടന്നിരുന്നു. മൂന്നു മത്സരങ്ങളില്‍ നിന്ന് രണ്ടു വിജയവും ഒരു സമനിലയുമായാണ് ഉറുഗ്വായ് ക്വാര്‍ട്ടറിലെത്തിയത്.

അതേസമയം, ഗ്രൂപ്പ് സിയിലെ മറ്റൊരു മത്സരത്തില്‍ ഇക്വഡോര്‍ ഏഷ്യന്‍ ശക്തിയായ ജപ്പാനുമായി സമനിലയില്‍ പിരിഞ്ഞു. ഇരു ടീമുകളും ഓരോ ഗോള്‍വീതം നേടി. 15ാം മിനിറ്റില്‍ ഷോയ നക്കാജിമയിലൂടെ ജപ്പാനാണ് ആദ്യം മുന്നിലെത്തിയത്. 35ാം മിനിറ്റില്‍ ഏയ്ഞ്ചല്‍ മെന ഇക്വഡോറിന്റെ ഗോള്‍ നേടി. ഇരുടീമുകളും നേരത്തെ തന്നെ പുറത്തായിരുന്നു.

 

Chile 0-1 Uruguay: Edinson Cavani scores late winner to clinch top spot in Group C as holders also go through to quarter-finals in Copa America

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.