2019 October 18 Friday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

കിഫ്ബി ഓഡിറ്റ് നിഷധിക്കുന്നത് ജനങ്ങളോടുള്ള വെല്ലുവിളി ; പ്രതിപക്ഷ നേതാവ് ഗവര്‍ണര്‍ക്ക് കത്ത് നല്‍കി

തിരുവനന്തപുരം: കിഫ്ബി  സി എ ജി ഓഡിറ്റ് അനുവദിക്കാതെയുള്ള സര്‍ക്കാരിന്റെ നിലപാട് തിരുത്തണമെന്ന് ആവശ്യപ്പെട്ട് പ്രതിപക്ഷനേതാവ് രമേശ് ചെന്നിത്തല ഗവര്‍ണര്‍ ആരിഫ് മുഹമ്മദ് ഘാന്‌
കത്തുനല്‍കി. സി എ ജി ഓഡിറ്റ് നിഷേധിക്കുന്നത് ജനങ്ങളോടുള്ള വെല്ലുവിളിയാണെന്നും ചെന്നിത്തല പറഞ്ഞു.

1999ല്‍ യു.ഡി.എഫ് സര്‍ക്കാരിന്റെ നേതൃത്വത്തിലാണ് കിഫ്ബി രൂപീകരിച്ചത്. പിന്നീട് എല്‍.ഡി.എഫ് സര്‍ക്കാര്‍ സി എ ജി ഓഡിറ്റ് പിന്‍വലിക്കുകയായിരുന്നു. അതേ സമയം കണ്ണൂര്‍ വിമാനത്താവള കമ്പനിയായ കിയാല്‍ സി.പി.എമ്മിന് നല്‍കിയ നിയമ വിരുദ്ധ സഹായങ്ങള്‍ മറച്ചുവെക്കാനാണ് ഇപ്പോള്‍ കിയാലില്‍ ഓഡിറ്റ് നടത്തുന്നതെന്ന് ചെന്നിത്തല ആരോപിച്ചു.

2015 ല്‍ തിരഞ്ഞെടുപ്പ് പ്രഖ്യാപനം വന്ന ശേഷം സ്ഥലം എം.എല്‍.എയായ ഇ.പി ജയരാജന്റെ തെരഞ്ഞെടുപ്പ് പ്രവര്‍ത്തനങ്ങള്‍ക്കും പിണറായി വിജയന്‍ നടത്തിയ നവകേരള യാത്രയുടെ പരസ്യത്തിനായും കിയാല്‍ എംഡി സി.പി.എം മുഖപത്രമായ ദേശാഭിമാനിയ്ക്ക് പണം നല്‍കിയിട്ടുണ്ടെന്ന് ചെന്നിത്തല ആരോപിച്ചു. എല്‍.ഡി.എഫ് സര്‍ക്കാരിന്റെ സത്യപ്രതിജ്ഞാച്ചടങ്ങിനും പരസ്യം നല്‍കിയിട്ടുണ്ടെന്നും റിപ്പോര്‍ട്ടുകള്‍ സൂചിപ്പിക്കുന്നതായി പ്രതിപക്ഷ നേതാവ് വ്യക്തമാക്കി. 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.