2019 January 16 Wednesday
ഉള്ളില്‍ തട്ടിയുള്ള പ്രാര്‍ത്ഥന ചുണ്ടുകള്‍ കൊണ്ടുള്ള ഏറ്റുപറച്ചിലല്ല. അന്തര്‍മണ്ഡലത്തില്‍ നിന്നുള്ള തീവ്രാഭിലാഷമത്രെ.

സുധീരന് പരസ്യ മറുപടി നല്‍കാനില്ലെന്ന് ചെന്നിത്തല

തിരുവനന്തപുരം: വി.എം സുധീരന്‍ നടത്തിയ വിമര്‍ശനങ്ങള്‍ക്ക് പരസ്യമായി മറുപടി പറയാനില്ലെന്ന് പ്രതിപക്ഷനേതാവ് രമേശ് ചെന്നിത്തല.

പാര്‍ട്ടി വിഷയങ്ങളില്‍ വിവാദമാകുന്ന തരത്തിലുള്ള പരസ്യ പ്രസ്താവനകള്‍ക്ക് കെ.പി.സി.സി നേതൃത്വം ഏര്‍പ്പെടുത്തിയ വിലക്ക് ലംഘിക്കാന്‍ ഉദ്ദേശിക്കുന്നില്ലെന്നും അദ്ദേഹം മാധ്യമങ്ങളോടു പറഞ്ഞു.

മറുപടി ഇല്ലാത്തതുകൊണ്ടല്ല, എന്നാല്‍ അത് പാര്‍ട്ടി ഫോറങ്ങളില്‍ മാത്രം പറയാനാണ് ഉദ്ദേശിക്കുന്നത്. വിഴിഞ്ഞം പദ്ധതിയില്‍ കഴിഞ്ഞ സര്‍ക്കാര്‍ അദാനിയുടെ താല്‍പര്യം സംരക്ഷിച്ചു എന്ന സുധീരന്റെ ആരോപണത്തിനും പരസ്യമായി മറുപടി പറയില്ല.

പാര്‍ട്ടി തീരുമാനം മാനിക്കാന്‍ തനിക്കു ബാധ്യതയുണ്ട്. കാറിനു വഴികൊടുത്തില്ലെന്നു പറഞ്ഞ് യുവാവിനെ ആക്രമിച്ച സംഭവത്തില്‍ കെ.ബി ഗണേശ് കുമാര്‍ എം.എല്‍.എയ്ക്കു വീഴ്ച പറ്റി. ഒരിക്കലും നീതീകരിക്കാനാവാത്ത തെറ്റാണ് ഗണേശ് കുമാര്‍ ചെയ്തതെന്നും ചെന്നിത്തല പറഞ്ഞു.


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.