2019 August 23 Friday
നീ വിധിപറയുകയാണെങ്കില്‍ നീതിപൂര്‍വം വിധിപറയുക. നിശ്ചയം, അല്ലാഹു നീതിമാന്മാരെ സ്‌നേഹിക്കുന്നു. ഖുര്‍ആന്‍ (5:42)

കുതിച്ചുയരാന്‍ ചന്ദ്രയാന്‍ 2: ഇനി മിനുട്ടുകള്‍ മാത്രം

ബംഗളൂരു: നീണ്ട 11 വര്‍ഷത്തെ നൂറുകോടി ജനതയുടെ കാത്തിരിപ്പ് യാഥാര്‍ഥ്യമാകാന്‍ ഇനി മിനുട്ടുകള്‍
മാത്രം. ചരിത്രനിമിഷത്തിലേക്കുള്ള അവസാനഘട്ട ഒരുക്കത്തിലാണ് അണിയറ പ്രവര്‍ത്തകര്‍. ഉച്ചയ്ക്ക് 2.43നാണ് വിക്ഷേപണം നടക്കുക. വിക്ഷേപണത്തിനായുള്ള 20 മണിക്കൂര്‍ കൗണ്ട്ഡൗണ്ട് ഇന്നലെ വൈകിട്ട് തുടങ്ങിയിരുന്നു.

ജി.എസ്.എല്‍.വി എം.കെ 3 എന്ന വിക്ഷേപണ വാഹനത്തിലാണ് ചാന്ദ്രയാന്‍ 2 വിക്ഷേപിക്കുന്നത്. ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററിലാണ് വിക്ഷേപണം നടക്കുന്നത്.
ദൗത്യം പൂര്‍ണമായി വിജയത്തിലെത്താന്‍ 50 ദിവസത്തില്‍ അധികം എടുക്കുമെന്നാണ് ഐ.എസ്.ആര്‍.ഒ ശാസ്ത്രജ്ഞര്‍ അറിയിച്ചത്. സെപ്റ്റംബര്‍ ആറിനുതന്നെ ഉപഗ്രഹം ചന്ദ്രനില്‍ ഇറങ്ങുന്നതോടെ ഈ നേട്ടം കൈവരിക്കുന്ന നാലാമത്തെ രാജ്യമായി ഇന്ത്യ മാറും.

ചന്ദ്രനിലെ ജലസാന്നിധ്യം അറിയാനുള്ള ഈ ദൗത്യത്തെ ലോകം ആകാംക്ഷയോടെയാണ് വീക്ഷിക്കുന്നത്. ഇന്ത്യയില്‍ നിന്നുള്ള 13 ബഹികരാകാശ ശാസ്ത്രജ്ഞരും നാസയില്‍ നിന്നുള്ള ഒരു ശാസ്ത്രജ്ഞനും ഉള്‍പ്പെടെ 14 പേരാണ് ദൗത്യത്തില്‍ ഉള്ളത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.