2019 September 17 Tuesday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

കൊച്ചിയില്‍ കാര്‍ ഇടിച്ച് ബോണറ്റില്‍ വീണ യുവാവിനെയും കൊണ്ട് അതേ കാര്‍ പാഞ്ഞത് 400 മീറ്ററോളം

കൊച്ചി: ഇടിച്ചുതെറിപ്പിച്ചതിനെ തുടര്‍ന്ന് കാറിന്റെ ബോണറ്റില്‍ വീണ യുവാവിനെയും കൊണ്ട് വീണ്ടും മുന്നോട്ട് പോയി ടാക്‌സി കാര്‍ ഡ്രൈവറുടെ ക്രൂരത. കൊച്ചി നഗരമധ്യത്തില്‍ മരോട്ടിച്ചോട് ജങ്ഷന് സമീപമാണ് സംഭവം. ഇവിടെ ഓട്ടോറിക്ഷയില്‍ വന്നിറങ്ങിയ യുവാവിനെ അതുവഴിയെത്തിയ കാര്‍ ഇടിക്കുകയായിരുന്നു.

ഇടിയുടെ ആഘാതത്തില്‍ കാറിന്റെ ബോണറ്റിനും ചില്ലിനും മുകളിലായി വീണ യുവാവിനെയും കൊണ്ട് കാര്‍ വീണ്ടും 400 മീറ്ററോളം ദൂരം വേഗത്തില്‍ മുന്നോട്ടുപോയി. പിന്നീട് ഇയാളെ റോഡിലുപേക്ഷിച്ച് കടന്നുകളയുകായായിരുന്നു. കാലിനും നട്ടെല്ലിനും പരുക്കേറ്റ ഇയാളെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകായണ്. സമീപത്തു നിന്നും ലഭിച്ച സി.സി.ടി.വി ദൃശ്യങ്ങളില്‍ നിന്നും അപകടം വരുത്തിയത് ഒരു ടാക്‌സി കാറാണെന്ന സൂചന ലഭിച്ചിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.