2019 August 24 Saturday
സുഹൃത്തുക്കളോടു നന്നായി പെരുമാറുക; അവര്‍ നിങ്ങളോടു കൂടുതല്‍ അടുക്കും. ശത്രുക്കളോടും നന്നായി പെരുമാറുക;അവരെ നേടാന്‍ നിങ്ങള്‍ക്കു കഴിയും.

കാനഡയില്‍ കാട്ടുതീ; കൂടുതല്‍ ആളുകളെ ഒഴിപ്പിക്കുന്നു

കാനഡ: കാനഡയിലെ അല്‍ബൊറോട്ടയിലെ ഫോര്‍ട് മകമറയില്‍ കാട്ടുതീയില്‍ വന്‍ നാശം. നഗരം പൂര്‍ണമായും ഒറ്റപ്പെട്ട അവസ്ഥയിലാണ്. 88000 ത്തോളം ആളുകളെ മെക്മറയില്‍ നിന്നും കഴിഞ്ഞ ദിവസം ഒഴിപ്പിച്ചിരുന്നു. കൂടുതല്‍ ആളുകളെ ഒഴിപ്പിക്കാനുള്ള ശ്രമം നടന്നുകൊണ്ടിരിക്കുകയാണ്. അടുത്ത 24 മണിക്കൂറിനുള്ളില്‍ കാട്ടുതീ ഇരട്ടി ശക്തിപ്രാപിക്കുമെന്ന് ഉദ്യോഗസ്ഥര്‍ അറിയിച്ചു. ഏകദേശം 1010 സ്‌ക്വയര്‍ കിലോമീറ്റര്‍ തീ വ്യാപിച്ചിട്ടുണ്ട്.
ഹെലികോപ്റ്ററിലും മറ്റുമായാണ് ആളുകളെ നഗരത്തില്‍ നിന്നും ഒഴിപ്പിക്കുന്നത്. കെട്ടിടങ്ങളും വീടുകളുമെല്ലാം കാട്ടുതീയില്‍ കത്തിനശിച്ചു. നാല് ദിവസമായി തുടരുന്ന കാട്ടുതീ നാട്ടുകാരും അഗ്നിശമന സേനയും ഉല്‍പ്പെടെ കെടുത്താന്‍ ശ്രമിച്ചെങ്കിലും നിയന്ത്രണാതീതമായി പടരുകയായിരുന്നു. കൂടീയ ചൂടും വരണ്ട കാലാവസ്ഥയും കാറ്റുമാണ് തീപിടുത്തം ഇത്രയും വ്യാപിക്കാന്‍ കാരണമാകുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.