2018 December 13 Thursday
തനിക്കു ലഭിച്ച കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല

ഡിസ്‌പോസബിള്‍ കപ്പുകള്‍ക്ക് നിയന്ത്രണം ഏര്‍പ്പെടുത്താനൊരുങ്ങി ബ്രിട്ടണ്‍

ലണ്ടന്‍: ഒരു തവണ മാത്രം ഉപയോഗിച്ചു കളയുന്ന ഡിസ്‌പോസബിള്‍ കപ്പുകള്‍ക്ക് നിയന്ത്രണം ഏര്‍പ്പെടുത്താനൊരുങ്ങി ബ്രിട്ടണ്‍. ഇതിനായി അധിക നികുതി ഏര്‍പ്പെടുത്തുകയോ നിരോധിക്കുയോ ചെയ്യാനാണ് സര്‍ക്കാര്‍ ഒരുങ്ങുന്നത്.

ബ്രിട്ടനില്‍ വര്‍ഷം തോറും രണ്ടര ലക്ഷം കോടി പ്ലാസ്റ്റിക് കപ്പുകള്‍ ഉപയോഗിക്കുന്നു എന്നാണ് കണക്ക്. അതേസമയം പുനരുപയോഗിക്കുന്നത് 400 ല്‍ ഒന്ന് മാത്രവും. ഇത്തരം കപ്പുകള്‍ക്ക് 0.28 യൂറോ (22 രൂപ) നികുതി ഈടാക്കാനാണ് നീക്കം.

2023-ഓടെ എല്ലാ ഡിസ്‌പോസബിള്‍ ഗ്ലാസുകളും പുനരുപയോഗിക്കാന്‍ സാധിച്ചില്ലെങ്കില്‍ നിരോധനത്തിലേക്ക് കടക്കാമെന്നും റിപ്പോര്‍ട്ടില്‍ പറയുന്നു. സ്വന്തമായി കപ്പ് കൊണ്ട് വരുന്നവര്‍ക്ക് ഇളവ് നല്‍കുന്ന പദ്ധതികള്‍ കോഫിഷോപ്പുകള്‍ നടത്തി വരുന്നുണ്ട്. എന്നാള്‍ ഇളവ് നല്‍കിയിട്ടും ഉപയോഗം കൂടുന്നതായാണ് കണ്ടെത്തുന്നത്. ഇത്തരത്തില്‍ ഇളവ് നല്‍കുന്നത് കൊണ്ട് പ്ലാസ്റ്റിക് സഞ്ചികളുടെ ഉപയോഗം കുറക്കാന്‍ സാധിച്ചിരുന്നു.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.