2019 October 18 Friday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

പ്രളയത്തിലകപ്പെട്ട രണ്ട് കുഞ്ഞുങ്ങളെ ചുമലിലേറ്റി ഈ പൊലിസ് ഉദ്യോഗസ്ഥന്‍ നടന്നത് ഒന്നര കിലോമീറ്റര്‍; ഈ ധീരന് എങ്ങിനെ കൈയടിക്കാതിരിക്കും

 

അഹമ്മദാബാദ്: കേരളത്തിനൊപ്പം പ്രളയക്കെടുതി നേരിടുന്ന ഗുജറാത്തിലെ ധീരനായ പൊലിസ് ഉദ്യോഗസ്ഥന്റെ രക്ഷാപ്രവര്‍ത്തനം ഏറ്റെടുത്ത് സോഷ്യല്‍ മീഡിയ. പൃഥ്വിരാജ് ജഡേജ എന്ന പൊലിസ് ഉദ്യോഗസ്ഥന്‍ തന്റെ രണ്ടുചുമലിലും രണ്ടുകുഞ്ഞുങ്ങളെയും വഹിച്ച് ഒന്നര കിലോമീറ്റര്‍ ദൂരം സഞ്ചരിച്ചാണ് അവരെ രക്ഷിച്ചത്. മൊര്‍ബി ജില്ലയിലെ കല്യന്‍പാര്‍ ഗ്രാമത്തില്‍ വെള്ളപ്പൊക്കത്തില്‍ അകപ്പെട്ട രണ്ടുകുഞ്ഞുങ്ങളെയാണ് പൃഥ്വിരാജ് ജഡേജ രക്ഷപ്പെടുത്തിയത്. കുഞ്ഞുങ്ങളുടെ പേരോ ഇവരുടെ രക്ഷിതാക്കള്‍ ആരെന്നോ അറിവായിട്ടില്ല.

കുത്തിയൊലിക്കുന്ന വെള്ളത്തിലൂടെ കുഞ്ഞുങ്ങളെയും പിടിച്ച് പൊലിസ് ഉദ്യോഗസ്ഥന്‍ നടക്കുന്ന വീഡിയോ ഇതിനകം സോഷ്യല്‍മീഡിയയില്‍ വൈറലായിട്ടുണ്ട്. പൃഥ്വിരാജിന്റെ ധീരതയെയും മാനുഷിക സ്‌നേഹത്തെയും പുകഴ്ത്തി ഗുജറാത്ത് മുഖ്യമന്ത്രി വിജയ് രൂപാണിയുള്‍പ്പെടെയുള്ളവര്‍ വീഡിയോ ട്വിറ്ററില്‍ പങ്കുവച്ചിട്ടുണ്ട്. ഹൃദയസ്പര്‍ഷിയായ ദൃശ്യം എന്നാണ് ഇന്ത്യയുടെ ഇതിഹാസ ക്രിക്കറ്റ് താരങ്ങളിലൊരാളായ വി.വി.എസ് ലക്ഷ്മണന്‍ വീഡിയോ പങ്കുവച്ച് അഭിപ്രായപ്പെട്ടത്.

കഴിഞ്ഞ 24 മാസത്തിനുള്ളില്‍ മാത്രം സംസ്ഥാനത്ത് 11 പേരാണ് പ്രളയത്തില്‍ മരിച്ചത്.

Brave constable Pruthviraj Jadeja carries two children on shoulders for 1.5 km in flood-hit Gujarat village


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.