2019 July 21 Sunday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

സംശയകരമായ ബൗളിങ് ആക്ഷന്‍: അമ്പാട്ടി റായിഡുവിന് സസ്‌പെന്‍ഷന്‍

മുംബൈ: സംശയാസ്പദമായ ബൗളിങ് ആക്ഷന്റെ പേരില്‍ അമ്പാട്ടി റായിഡുവിനെ ഐ.സി.സി സസ്‌പെന്‍ഡ് ചെയ്തു. അന്താരാഷ്ട്ര മത്സരങ്ങളില്‍ പാര്‍ട്ട് ടൈം ബൗളറായി ബൗള്‍ ചെയ്യുന്നതില്‍ നിന്നാണ് ഐ.സി.സി സസ്‌പെന്റ് ചെയ്തത്. ബൗളിങ് ആക്ഷനെക്കുറിച്ച് സംശയമുന്നയിച്ചു കഴിഞ്ഞാല്‍ 14 ദിവസത്തിനകം ഐ.സി.സിയുടെ ടെസ്റ്റിന് ഹാജരാവണമെന്നാണ് നിയമം. എന്നാല്‍ റായിഡു ഇതിന് തയ്യാറാവാത്തതിനെ തുടര്‍ന്നാണ് ഐ.സി.സിയുടെ നടപടി. ഐ.സി.സിയുടെ ടെസ്റ്റിന് വിധേയനായി അത് പാസാവുന്നതു വരെ റായിഡുവിന്റെ സസ്‌പെന്‍ഷന്‍ തുടരും.

ആസ്‌ത്രേലിയക്കെതിരേ നടന്ന മത്സരത്തില്‍ അമ്പാട്ടി റായിഡുവിനെ ഇന്ത്യ പാര്‍ട്ട് ടൈം ബൗളറായി പരീക്ഷിച്ചിരുന്നു. സിഡ്‌നിയില്‍ നടന്ന ഈ മത്സരത്തിലെ സംശയാസ്പദമായ ബൗളിങ്ങ് ആക്ഷനാണ് താരത്തിന്റെ സസ്‌പെന്‍ഷന് കാരണം. ടെസ്റ്റിന് വിധേയനായി പാസാവുന്നത് വരെ അന്താരാഷ്ട്ര മത്സരങ്ങളില്‍ അമ്പാട്ടി റായിഡുവിന് ബൗള്‍ ചെയ്യാന്‍ കഴിയില്ല.

എന്നാല്‍, രഞ്ജി ട്രോഫി പോലെയുള്ള ആഭ്യന്തര മത്സരങ്ങളില്‍ ബൗള്‍ ചെയ്യുന്നതിന് വിലക്കുണ്ടാകില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.