2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

കോണ്‍ഗ്രസ് മുക്ത ഭാരതം സ്വപ്‌നംകണ്ട ബി.ജെ.പിക്ക് ഒരു വര്‍ഷത്തിനിടെ നഷ്ടപ്പെട്ടത് അഞ്ച് സംസ്ഥാനങ്ങള്‍; എല്ലാം പിടിച്ചെടുത്തതും കോണ്‍ഗ്രസ് കൈകള്‍

 

ന്യൂഡല്‍ഹി: ജാര്‍ഖണ്ഡ് കൂടി കൈവിട്ടതോടെ ഒരു വര്‍ഷത്തിനുള്ളില്‍ ബി.ജെ.പിക്ക് അധികാരം നഷ്ടപ്പെട്ടത് അഞ്ചു സംസ്ഥാനങ്ങളില്‍. മധ്യപ്രദേശ്, ഛത്തിസ്ഗഢ്, രാജസ്ഥാന്‍, മഹാരാഷ്ട്ര എന്നിവിടങ്ങളിലാണ് ഇതിനു മുന്‍പ് അധികാരം നഷ്ടപ്പെട്ടത്.

അഞ്ചു സംസ്ഥാനങ്ങളിലും കോണ്‍ഗ്രസോ കോണ്‍ഗ്രസ് ഉള്‍പ്പെടുന്ന സഖ്യമോ ആണ് അധികാരം പിടിച്ചെടുത്തത്. ഡല്‍ഹിയിലും ബിഹാറിലുമാണ് അടുത്തതായി തെരഞ്ഞെടുപ്പ് വരാനിരിക്കുന്നത്. ഇതില്‍ ഡല്‍ഹിയില്‍ ആംആദ്മി പാര്‍ട്ടി തന്നെ അധികാരം തുടരാനുള്ള സാധ്യതയാണ് കൂടുതല്‍. കോണ്‍ഗ്രസുമായി സഖ്യമുണ്ടാക്കാനുള്ള ശ്രമവും നടത്തുന്നുണ്ട്.

എന്‍.ഡി.എ സഖ്യകക്ഷിയായ ജെ.ഡി.യു ഭരിക്കുന്ന ബിഹാറില്‍ ലാലുപ്രസാദ് യാദവിന്റെ ആര്‍.ജെ.ഡി ശക്തമായ തിരിച്ചുവരവിനൊരുങ്ങുകയാണ്. 2018 മാര്‍ച്ച് വരെ 13 സംസ്ഥാനങ്ങള്‍ ബി.ജെ.പി നേരിട്ടും ആറു സംസ്ഥാനങ്ങള്‍ സഖ്യവുമായാണ് ബി.ജെ.പി ഭരിച്ചിരുന്നത്. ഇപ്പോള്‍ സ്വന്തമായി ഭരിക്കുന്നതിന്റെ എണ്ണം എട്ടായി ചുരുങ്ങി. 2018 മാര്‍ച്ച് വരെ ഭൂമിശാസ്ത്രമാപ്പിന്റെ 70 ശതമാനം ബി.ജെ.പി ഭരണത്തിലായിരുന്നെങ്കില്‍ ഇപ്പോഴത് 34 ശതമാനമായി കുറഞ്ഞിട്ടുണ്ട്.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.