2019 December 09 Monday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

ഇതായിരുന്നു പുത്തുമല….നമുക്കിനി കാണാന്‍ കഴിയാത്ത അവരുടെ സ്വന്തം പുത്തുമല

 

കല്‍പ്പറ്റ: രണ്ടാഴ്ച മുമ്പുവരേ ആര്‍ക്കും അറിയാത്തൊരു പേരായാരുന്നു വയനാട് ജില്ലയിലെ മേപ്പാടിക്കടുത്ത പുത്തുമല. പ്രകൃതി മനോഹാരിതയാല്‍ അനുഗ്രഹീതമായ നാട്. നമുക്കെല്ലാം നഷ്ടമായ ഒരു ദൃശ്യമനോഹാരിത. നിമിഷനേരം കൊണ്ട് പ്രകൃതി തന്നെ നക്കിത്തുടച്ച് ഒരു ഗ്രാമം
.

 

അന്നീ ഗ്രാമം ഇങ്ങനെയായിരുന്നു. ഇന്നത് എങ്ങനെയായി എന്നതിന് പുതിയ ദൃശ്യങ്ങള്‍ സാക്ഷി. വയനാട്ടിലെ ഊട്ടിയെന്നായിരുന്നു ഈ പ്രദേശത്തെ വിളിച്ചിരുന്നത്. നിരവധി വിനോദ സഞ്ചാരികള്‍ ഇവിടെ എത്താറുണ്ടായിരുന്നു. എസ്‌റ്റേറ്റ് പാടികളിലും വീടുകളിലുമായി നൂറോളം കുടുംബങ്ങളായിരുന്നു ഇവിടെ താമസിച്ചിരുന്നത്.

 

 

 

 

 

സൂചിപ്പാറയിലേക്ക്എത്തിയിരുന്ന കൂടുതല്‍ വിനോദ സഞ്ചാരികള്‍ പുത്തുമലയേയും ഇടത്താവളമാക്കിയിരുന്നു.
ഇന്ന് പുത്തുമലയുടെ ദൃശ്യങ്ങള്‍ പ്രകൃതി സംഹാരതാണ്ടവമാടിയതിനുശേഷമുള്ള കാഴ്ച മാത്രമാണ്.

 

എന്നാല്‍ ഏവരുടെയും മനസിന് കുളിര്‍മ തന്നിരുന്ന ഈ പച്ചതുരുത്തിലാണ് പ്രകൃതി ദുരന്തമുണ്ടായത്. ഇന്നും എത്രപേര്‍ മരിച്ചു എന്നതിനു കൃത്യമായ കണക്കില്ല. മണ്ണില്‍ പുതഞ്ഞുപോയവരെത്രയെന്നും വ്യക്തമായിട്ടില്ല. സാമ്പത്തിക നഷ്ടക്കണക്കും കൂട്ടിത്തീര്‍ന്നിട്ടില്ല.
ഇതുപോലെ പ്രകൃതി മനോഹരമായ ദേശങ്ങളെയും മിനുറ്റുകള്‍കൊണ്ടു ഭൂമുഖത്തുനിന്നേ തുടച്ചുനീക്കാനാവും എന്ന തിരിച്ചറിവും വലിയ പാഠവും ഓര്‍മിപ്പിക്കുകയാണ് രണ്ടാഴ്ച മുമ്പുള്ള പുത്തുമലയുടെ ഈ ദൃശ്യങ്ങള്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News