2019 December 15 Sunday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

വീണ്ടും മെസ്സി, ഡോട്മുണ്ടിനെ തകര്‍ത്ത് ബാഴ്‌സ; 700 മല്‍സരവും പിന്നിട്ട് ലയണല്‍ മെസ്സി

 

മാഡ്രിഡ്: ചാംപ്യന്‍സ് ലീഗില്‍ ഗ്രൂപ്പ് എഫില്‍ ഇന്ന് പുലര്‍ച്ചെ നടന്ന മല്‍സരത്തില്‍ ജര്‍മനിയുടെ ബൊറൂസിയ ഡോര്‍ട്ട്മുണ്ടിനെ ബാഴ്‌സലോണ തകര്‍ത്തു. ജയത്തോടെ ബാഴ്‌സ പ്രീക്വാര്‍ട്ടറില്‍ കടന്നു. ക്യാംപ് നൗവില്‍ നടന്ന മത്സരത്തില്‍ ഒന്നിനെതിരേ മൂന്ന് ഗോളുകള്‍ക്കാണ് ബാഴ്‌സ വിജയിച്ചത്. ബാഴ്‌സയ്ക്ക് വേണ്ടിയുള്ള ലയണല്‍ മെസ്സിയുടെ 700ാം മത്സരംകൂടിയായിരുന്നു ഇന്നലെ. 700ാം മല്‍സരത്തില്‍ മെസ്സിയുടെ മികവിലായിരുന്നു ബാഴ്‌സയുടെ വിജയം. മെസ്സിക്ക് പുറമെ ലൂയിസ് സുവാരസും ഗ്രീസ്മാന്‍ എന്നിവരും ലക്ഷ്യംകണ്ടു. ഡോര്‍ട്മുണ്ടിന്റെ മൈതാനത്തു നടന്ന ആദ്യ പാദ മത്സരം ഗോള്‍രഹിത സമനിലയില്‍ പിരിയുകായയിരുന്നു.

ഗ്രീസ്മന്റെ ഗോള്‍

മത്സരം തുടങ്ങി 26ാം മിനിറ്റില്‍ പരിക്കേറ്റ ഉസ്മാനെ ഡെംബലെയ്ക്ക് പകരക്കാരനായാണ് ആദ്യ ഇലവനില്‍ ഉള്‍പ്പെടുത്താതിരുന്ന ഗ്രീസ്മാന്‍ കളത്തിലെത്തിയത്. 29ാം മിനിറ്റില്‍ മെസ്സിയുടെ പാസില്‍ നിന്ന് സുവാരസ് ബാഴ്‌സയെ മുന്നിലെത്തിച്ചു. ഒരു ഗോള്‍ വീണതിന്റെ ഞെട്ടല്‍ മാറും മുമ്പേ 33ാം മിനിറ്റില്‍ മെസ്സി ലീഡുയര്‍ത്തി. സുവാരസിനൊപ്പമുള്ള മുന്നേറ്റത്തിനൊടുവിലായിരുന്നു ഗോള്‍.

ഡോര്‍ട്ട്മുണ്ട് പ്രതിരോധത്തെ കബളിപ്പിച്ച് മെസ്സി നല്‍കിയ പാസ് ഗ്രീസ്മാന്‍ വലയിലെത്തിച്ചതോടെ ബാഴ്‌സയുടെ ഗോള്‍പട്ടിക പൂര്‍ത്തിയായി. 77ാം മിനിറ്റില്‍ ബ്രാന്‍ഡ്റ്റിന്റെ പാസില്‍ നിന്ന് ജാഡന്‍ സാഞ്ചോയാണ് ഡോര്‍ട്ട്മുണ്ടിന്റെ ആശ്വാസ ഗോള്‍ നേടിയത്. ചാംപ്യന്‍സ് ലീഗ് ചരിത്രത്തില്‍ ഡോര്‍ട്ട്മുണ്ടിനെതിരേ ബാഴ്‌സലോണ നേടുന്ന 149ാം വിജയമാണിത്. ഇനി ഇന്റര്‍ മിലാനുമായാണ് ബാഴ്‌സയ്ക്ക് മല്‍സരമുള്ളത്.

ബാഴ്‌സലോണയ്ക്കായി 700 മത്സരങ്ങള്‍ തികയ്ക്കുന്ന രണ്ടാമത്തെ താരമാണ് മെസ്സി. 767 മത്സരങ്ങള്‍ കളിച്ച സാവി മാത്രമാണ് ഇനി മെസിക്ക് മുന്നിലുള്ളത്.

Barcelona 3-1 Borussia Dortmund: Lionel Messi nets 613th goal and sets up Luis Suarez and Antoine Griezmann strikes on his 700th appearance before sub Jadon Sancho fires home late consolation as Barca book place in the last 16 of Champions League


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.