2019 June 17 Monday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

3000 കോടി രൂപയുടെ തട്ടിപ്പ്: മഹാരാഷ്ട്ര ബാങ്ക് സി.ഇ.ഒ അറസ്റ്റില്‍

മുംബൈ: 3000 കോടി രൂപയുടെ വായ്പാ തട്ടിപ്പു കേസില്‍ ബാങ്ക് ഓഫ് മഹാരാഷ്ട്ര എം.ഡിയും സി.ഇ.ഒയുമായ രവീന്ദ്ര മറാത്തെ അറസ്റ്റിലായി. കേസില്‍ ബാങ്കിന്റെ മുന്‍ സി.എം.ഡിയായ സുഷീല്‍ മുനോട്ടും അറസ്റ്റിലായിട്ടുണ്ട്.

ഡി.എസ്.കെ ഗ്രൂപ്പിന് രഹസ്യധാരണയിലൂടെ വായ്പ അനുവദിച്ചെന്നാണ് കേസ്. വഞ്ചനാക്കുറ്റമടക്കം ചാര്‍ത്തിയാണ് അറസ്റ്റ്.

പൂനെ കേന്ദ്രമായി പ്രവര്‍ത്തിക്കുന്ന കെട്ടിട നിര്‍മാതാവ് ഡി.എസ് കുല്‍ക്കര്‍ണിയും ഭാര്യ ഹേമന്തിയും ഫെബ്രുവരിയില്‍ അറസ്റ്റിലായിരുന്നു. 4000 നിക്ഷേപകരെ പറ്റിച്ച് 1,154 കോടി രൂപ തട്ടിയതിനും 2,892 കോടി രൂപയുടെ ബാങ്ക് വായ്പ തിരിമറി നടത്തിയതിനുമാണ് ഇവരെ അറസ്റ്റ് ചെയ്തത്.

കുല്‍ക്കര്‍ണിയുടെ 124 സ്വത്തുക്കളും 276 ബാങ്ക് അക്കൗണ്ടുകളും 46 വാഹനങ്ങളും കണ്ടുകെട്ടാന്‍ കഴിഞ്ഞമാസം മഹാരാഷ്ട്ര സര്‍ക്കാര്‍ ഉത്തരവിട്ടിരുന്നു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.