2019 March 19 Tuesday
നല്ല ഹൃദയം സ്വര്‍ണത്തേക്കാള്‍ വിലപിടിപ്പുള്ളതാണ് – ഷേക് സ്പിയര്‍

അയ്യപ്പന്റെ ചിത്രവുമായി പ്രചാരണ നോട്ടിസ്:  നടപടി സ്വീകരിക്കണമെന്ന് എല്‍.ഡി.എഫ്

തിരുവനന്തപുരം: തെരഞ്ഞെടുപ്പ് കമ്മിഷന്‍ കഴിഞ്ഞ ദിവസം നല്‍കിയ നിര്‍ദേശം ലംഘിച്ച് ശബരിമല അയ്യപ്പന്റെ ചിത്രവുമായി തിരുവനന്തപുരത്ത് നോട്ടീസിറങ്ങി. ഇടതു ധിക്കാരവും വലതു വഞ്ചനയും എന്ന തലക്കെട്ടിലുള്ള നോട്ടിസില്‍ ഇടതു വലത് മുന്നണികളുടെ തട്ടിപ്പ് തിരിച്ചറിയണമെന്ന് ആവശ്യപ്പെടുന്നു. ശബരിമല കര്‍മ സമിതിയുടെ പേരിലാണ് നോട്ടീസ് ഇറക്കിയിരിക്കുന്നത്.

വിശ്വാസത്തെ തകര്‍ക്കാനുള്ള കമ്മ്യൂണിസ്റ്റുകളുടെ ശ്രമം തുടരുകയാണെന്ന് നോട്ടീസില്‍ കുറ്റപ്പെടുത്തുന്നുണ്ട്.
കോടതി വിധിയുടെ മറവില്‍ യുവതികളെ ശബരിമലയില്‍ നിര്‍ബന്ധമായും കയറ്റാന്‍ ശ്രമം നടന്നെന്ന് ആരോപിക്കുന്നുണ്ട് വിശ്വാസികളുടെ കാണിക്കപണം ഉപയോഗിച്ച് വിശ്വാസം തകര്‍ക്കാന്‍ കേസ് കളിച്ച സര്‍ക്കാരിന് കോണ്‍ഗ്രസ് രഹസ്യപിന്തുണ നല്‍കിയെന്നും നോട്ടീസില്‍ പറയുന്നു.

എന്നാല്‍ ഇത് പഴയ നോട്ടീസാണെന്നാണ് ബിജെപിയുടെ വിശദീകരണം. പഴയ നോട്ടീസാണെങ്കില്‍ കടന്നുപോയ ആറ് മാസക്കാലമെന്ന് നോട്ടീസില്‍ പറയുന്നതെന്തുകൊണ്ട് എന്നാണ് ഇടതു മുന്നണി പ്രവര്‍ത്തകര്‍ ചോദിക്കുന്നത്. ഇതിനെതിരേ ഇടുതമുന്നണി തെരഞ്ഞെടുപ്പ് കമ്മീഷന് പരാതി നല്‍കിയിട്ടുണ്ട്


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.