2019 November 17 Sunday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

അയോധ്യ വിധി ജയ പരാജയമായി കാണരുത്; സമാധാനം തകര്‍ക്കുന്നവര്‍ക്കെതിരെ കര്‍ശന നടപടി- യോഗി ആദിത്യനാഥ്

 

ലഖ്‌നൗ: ബാബരി മസ്ജിദ് കേസില്‍ ചരിത്ര വിധി വരാനിരിക്കെ, സമാധാനത്തിന് ആഹ്വാനം ചെയ്ത് യു.പി മുഖ്യമന്ത്രി യോഗി ആദിത്യനാഥ്. വിധി ആരുടെയും ജയ- പരാജയമായി കാണരുതെന്നും അദ്ദേഹം അഭ്യര്‍ഥിച്ചു.

ഹിന്ദിയില്‍ ട്വീറ്റ് പരമ്പരയിലൂടെയാണ് അദ്ദേഹം ഇക്കാര്യത്തില്‍ നിലപാട് വ്യക്തമാക്കിയത്. നേരത്തെ പ്രധാനമന്ത്രി നരേന്ദ്ര മോദിയും ഇതു തന്നെ പറഞ്ഞിരുന്നു.

സംസ്ഥാനത്ത് സമാധാനപരമായ അന്തരീക്ഷം കാത്തുസൂക്ഷിക്കേണ്ടത് നമ്മുടെ ഉത്തരവാദിത്തമാണെന്നും യോഗി പറഞ്ഞു. ക്രമസമാധാനം ഉറപ്പുവരുത്താനും എല്ലാവരെയും സംരക്ഷിക്കാനും സര്‍ക്കാര്‍ പ്രതിജ്ഞാബദ്ധമായിരിക്കുമെന്നും യോഗി പറഞ്ഞു.

സമാധാനം തകര്‍ക്കുന്നവര്‍ക്കെതിരെ കര്‍ശന നടപടിയെടുക്കുമെന്നും അദ്ദേഹം പറഞ്ഞു. കിംവദന്തികള്‍ അവഗണിക്കണമെന്ന് എല്ലാവരോടും അഭ്യര്‍ഥിക്കുന്നുവെന്നും അദ്ദേഹം പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.