2020 February 16 Sunday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

എല്ലാം കൃത്രിമമായി നിര്‍മിക്കുന്ന ചൈന വാട്ടാര്‍ തീം പാര്‍ക്കില്‍ സൃഷ്ടിച്ച കൃത്രിമ സുനാമിയില്‍പ്പെട്ട് പരുക്കേറ്റത് 44 പേര്‍ക്ക്; ഞെട്ടിക്കുന്ന വീഡിയോ പുറത്ത്

ന്യൂഡല്‍ഹി: ഭൂരിഭാഗം ഉല്‍പ്പനങ്ങളുടെയും ഡ്യൂപ്ലിക്കേറ്റുകള്‍ നിര്‍മിക്കുന്ന ചൈനയുടെ സവിശേഷത ലോകമറിയുന്നതാണ്. എന്നാല്‍ ചൈനയിലെ ഒരു വാട്ടര്‍ തീം പാര്‍ക്കില്‍ കൃത്രിമമായി നിര്‍മിച്ച സുനാമിയില്‍പ്പെട്ട് നീന്തല്‍ക്കുളത്തില്‍ ഉല്ലസിക്കുകയായിരുന്ന 44 പേര്‍ക്ക് പരുക്കേറ്റ വാര്‍ത്തയാണ് ഇതുമായി ബന്ധപ്പെട്ട് ഒടുവില്‍ പുറത്തുവന്നിരിക്കുന്നത്.

മന്‍ഷൂരിയയിലെ ഷുയുന്‍ വാട്ടര്‍ തീം പാര്‍ക്കിലാണ് ഏവരെയും ഞെട്ടിച്ച സംഭവമുണ്ടായിരിക്കുന്നത്. അതിന്റെ ദൃശ്യങ്ങള്‍ ഇപ്പോള്‍ സമൂഹമാധ്യമങ്ങളില്‍ വൈറലായിക്കൊണ്ടിരിക്കുകയാണ്. നീന്തല്‍ക്കുളത്തില്‍ ഉല്ലസിച്ചുകൊണ്ടിരിക്കുകയായിരുന്ന നൂറുകണക്കിന് ആളുകളുടെ നേര്‍ക്ക് അപ്രതീക്ഷിതമായി സുനാമി കണക്കെ കൂറ്റന്‍ തിരമാലകള്‍ അടിച്ചുകയറുകയായിരുന്നു. ഇതിന്റെ ശക്തിയില്‍ മിക്കവരും കുളത്തില്‍ നിന്നും ദൂരസ്ഥലത്തേക്ക് തന്നെ തെറിച്ചുപോയി.

അതേസമയം സാങ്കേതിക തകരാര്‍ മൂലം സംഭവിച്ച പിഴവാണ് അപകടത്തിനിടയാക്കിയതെന്നാണ് വാട്ടര്‍തീം പാര്‍ക്ക് അധികൃതര്‍ നല്‍കുന്ന വിശദീകരണം. ടെക്‌നീഷ്യനെതിരേ നടപടിയെടുത്തതായും അവര്‍ പറഞ്ഞു. സംഭവത്തിന് ശേഷം അടച്ചുപൂട്ടിയ വാട്ടര്‍ തീം പാര്‍ക്കിനെതിരേ അന്വേഷണം തുടരുകയാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News