2019 June 20 Thursday
നീ നിനക്കുതന്നെ ദീപമായി വര്‍ത്തിക്കുന്നുവെങ്കില്‍ നീ നിന്നില്‍തന്നെ അഭയം കണ്ടെത്തുന്നുവെന്ന് സാരം – ബുദ്ധന്‍

കശ്മീര്‍ വെടിവയ്പ്പ്: പൊലിസ് കേസിനെതിരെ കൗണ്ടര്‍ കേസ് ഫയല്‍ ചെയ്ത് സൈന്യം

ശ്രീനഗര്‍: ജമ്മു കശ്മീരിലെ ഷോപ്പിയാന്‍ ജില്ലയില്‍ പ്രതിഷേധക്കാര്‍ക്കു നേരെ വെടിയുതിര്‍ത്ത സൈനികര്‍ക്കെതിരെ കേസെടുത്ത പൊലിസ് നടപടിക്കു പിന്നാലെ കൗണ്ടര്‍ കേസെടുത്ത് സൈന്യം. മൂന്നു സാധാരണക്കാര്‍ സൈനികരുടെ വെടിയേറ്റു മരിച്ച സംഭവത്തിലാണ് പൊലിസ് എഫ്.ഐ.ആര്‍ രജിസ്റ്റര്‍ ചെയ്തിരുന്നത്. മണിക്കൂറുകള്‍ക്ക് പിന്നാലെ, സൈനികര്‍ക്കെതിരെ ആക്രമണം നടത്തിയെന്നും അവരെ വെടിവയ്പ്പിലേക്ക് നയിച്ചുവെന്നും കാട്ടി സൈന്യം എഫ്.ഐ.ആര്‍ ഫയല്‍ ചെയ്തു.

റയീസ് അഹമ്മദ് എന്ന യുവാവ് വെടിയേറ്റു കൊല്ലപ്പെട്ടതോടെയാണ് പൊലിസ് കേസെടുത്തത്. അതിനു മുന്‍പ് ജാവിദ് അഹമ്മദ്, സുഹൈല്‍ അഹമ്മദ് എന്നീ യുവാക്കളും കൊല്ലപ്പെട്ടിരുന്നു.

സ്വയം രക്ഷയ്ക്കു വേണ്ടിയാണ് വെടിവയ്പ്പ് നടത്തിയതെന്നാണ് സൈന്യത്തിന്റെ വാദം. ആള്‍ക്കൂട്ട ആക്രമണത്തില്‍ സൈനികര്‍ക്ക് പരുക്കേറ്റെന്നും പറയുന്നു.

ജമ്മു കശ്മീര്‍ പൊലിസാണ് സൈനികര്‍ക്കെതിരെ കേസെടുത്തിരിക്കുന്നത്. ഈ കേസില്‍, ജമ്മു കശ്മീര്‍ സര്‍ക്കാര്‍ മജിസ്‌ട്രേറ്റ് തല അന്വേഷണവും പ്രഖ്യാപിച്ചിട്ടുണ്ട്.

കശ്മീര്‍ ഭരണത്തില്‍ സഖ്യകക്ഷികളായ ബി.ജെ.പി, പൊലിസ് കേസ് പിന്‍വലിക്കാന്‍ ആവശ്യപ്പെടുന്നുണ്ടെങ്കില്‍ മുഖ്യമന്ത്രി മെഹ്ബൂബ മുഫ്തി തയ്യാറായിട്ടില്ല.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.