2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

25 ലക്ഷത്തിന് ഭൂമി വിറ്റ് ലോക്ഡൗണില്‍ കുടുങ്ങിയ പാവങ്ങള്‍ക്ക് ഭക്ഷണം നല്‍കി സഹോദരന്മാര്‍

ബംഗളുരു: ലോക്ഡൗണിനെത്തുടര്‍ന്ന് പട്ടിണിയിലായ കുടുംബങ്ങളുടെ വിശപ്പകറ്റാന്‍ തങ്ങളുടെ ഭൂമി വിറ്റ് സഹോദരന്മാര്‍. കര്‍ണാടകയിലെ കോലാര്‍ ജില്ലയില്‍ ചെറുകിട ബിസിനസ് നടത്തുന്ന തജാമൂല്‍ പാഷ, മുസമ്മില്‍ പാഷ എന്നിവരാണ് തങ്ങളുടെ 25 ലക്ഷം രൂപ വില വരുന്ന ഭൂമി പാവങ്ങളെ സഹായിക്കാനായി വിറ്റത്.

ഭൂമി വിറ്റ് കിട്ടിയ പണം ഉപയോഗിച്ച് എണ്ണയും ധാന്യങ്ങളും വാങ്ങി. തുടര്‍ന്ന് അവര്‍ വീടിനടുത്തായി ഒരു കൂടാരം സ്ഥാപിക്കുകയും തൊഴിലാളികള്‍ക്കും ഭവനരഹിതര്‍ക്കും ഭക്ഷണം ഉണ്ടാക്കുന്നതിനായി ഒരു കമ്മ്യൂണിറ്റി അടുക്കള ആരംഭിക്കുകയും ചെയ്തു.

‘ഞങ്ങളുടെ മാതാപിതാക്കള്‍ നേരത്തെ മരിച്ചു. ഞങ്ങള്‍ കോലാറിലെ ഞങ്ങളുടെ അമ്മൂമ്മയുടെ സ്ഥലത്തേക്ക് മാറിയപ്പോള്‍, സമുദായങ്ങളില്‍ നിന്നുള്ളവര്‍, ഹിന്ദുക്കള്‍, സിഖുകാര്‍, മുസ് ലിംകള്‍ എന്നിവര്‍ മതപരമായ പക്ഷപാതമില്ലാതെ അതിജീവിക്കാന്‍ ഞങ്ങളെ സഹായിച്ചു,’ താജമുല്‍ പാഷ പറഞ്ഞു.

ഞങ്ങള്‍ ദാരിദ്ര്യത്തിലാണ് വളര്‍ന്നത്. എല്ലാ സമുദായങ്ങളിലെയും മതങ്ങളിലെയും ആളുകളുടെ പിന്തുണ കാരണം ഞങ്ങള്‍ അതിജീവിച്ചു. ഞങ്ങള്‍ സൊസൈറ്റി കരാര്‍ ബോണ്ടില്‍ ഒപ്പിട്ട് ഞങ്ങളുടെ സൈറ്റ് വാങ്ങി പണം നല്‍കിയ ഞങ്ങളുടെ സുഹൃത്തിന് കൈമാറി, ”സഹോദരങ്ങള്‍ പറഞ്ഞു.

ലോക്ക്ഡൗണ്‍ അവസാനിച്ച് ലാന്‍ഡ് രജിസ്ട്രാര്‍ ഓഫീസ് തുറന്നുകഴിഞ്ഞാല്‍ സ്ഥലം കൈമാറുന്നതിനുള്ള ബാക്കി നടപടികള്‍ പൂര്‍ത്തിയാകുമെന്ന് അവര്‍ പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News