2019 April 25 Thursday
ഒരു പ്രഭുവിന്റെ രക്തത്തെക്കാള്‍ വില കൂടിയതത്രെ ഒരു പിച്ചക്കാരന്റെ കൈയിലുള്ള പുസ്തകം -വില്യം ഷേക്‌സ്പിയര്‍

ഇനി ആമസോണ്‍ സേവനങ്ങള്‍ ഹിന്ദിയിലും

ഓണ്‍ലൈന്‍ വ്യാപാരികളായ ആമസോണ്‍ സേവനങ്ങള്‍ ഇനി മുതല്‍ ഹിന്ദിയിലും. ഫഌപ്പ്കാര്‍ട്ടിന്റെ വാള്‍മാര്‍ട്ടിനെതിരായാണ് അമസോണിന്റെ പുതിയ പദ്ധതി. ഇതിലൂടെ 100മില്ല്യണ്‍ ഉപഭോക്താക്കളെ എത്തിക്കാന്‍ സാധിക്കുമെന്ന് കമ്പനി പ്രതീക്ഷിക്കുന്നു. ആന്‍ഡ്രോയിഡ് ഒ.എസ്, മൊബൈല്‍ വെബ്‌സൈറ്റില്‍ ഈ സേവനം ലഭ്യമാണ് ഇതിന് പുറമേ ഉടന്‍ തന്നെ ആപ്പിള്‍ ഉല്‍പ്പന്നങ്ങളിലും ഇത് ലഭ്യമാവും. എന്തുകൊണ്ട് ഹിന്ദി ഭാഷയുടെ സഹായത്തോടെ എന്റെ അമ്മയ്ക്ക് ആമസോണിലൂടെ സാധനങ്ങള്‍ വാങ്ങാന്‍ സാധിക്കുന്നില്ലെന്ന് പല ഉപഭോക്താക്കളും അഭിപ്രായങ്ങള്‍ രേഖപ്പെടുത്തിയിരുന്നുവെന്ന് ആമസോണിന്റെ വൈസ് പ്രസിഡന്റ് മനീഷ് തിവാരി പറഞ്ഞു. ഇതിനാലാണ് ആമസോണില്‍ ഹിന്ദി ഭാഷകൊണ്ടുവരുന്നതെന്നും 100 മില്ല്യണ്‍ ആളുകളെ ആമസോണിന്റെ ഉപഭോക്താക്കളാക്കാന്‍ സാധിക്കുമെന്നും അദ്ദേഹം പറഞ്ഞു.

ഉത്സവസീസണുകള്‍ മുന്നില്‍ കണ്ടാണ് ആമസോണിന്റെ പുതിയ പ്രഖ്യാപനം. ഇതിലൂടെ മികച്ച വ്യാപാരം നടത്താന്‍ സാധിക്കുമെന്ന് കമ്പനി പ്രതീക്ഷിക്കുന്നു. മറ്റ് ഓണ്‍ലൈന്‍ വ്യാപാരികളായ ഫഌപ്പ്കാര്‍ട്ട്, സ്‌നാപ്ഡീല്‍, പേടിഎം എന്നിവ ഇതിന് മുന്‍പേ പ്രദേശിക ഭാഷകള്‍ ഉള്‍പ്പെടുത്തിയ സൈറ്റുകള്‍ തുടങ്ങിയിരുന്നു. സ്‌നാപ്പ്ഡീല്‍ 2015ല്‍ ഹിന്ദി, തെലുങ്കു ഭാഷകളില്‍ വെബ്‌സൈറ്റുകള്‍ തുടങ്ങിയിരുന്നു. അതിന് ശേഷം 12 പ്രാദേശിക ഭാഷകളിലും വെബ്‌സൈറ്റ് തുടങ്ങി. ഇപ്പോള്‍ ഞങ്ങള്‍ ഹിന്ദി ഭാഷയില്‍ വെബ്‌സൈറ്റ് തുടങ്ങിയെന്നും വരും നാളുകളില്‍ ബംഗാളി, തമിഴ് ഭാഷകളിലും വെബ്‌സൈറ്റുകള്‍ തുടങ്ങുമെന്നും ആമസോണ്‍ ഡയറക്ടര്‍ കിഷോര്‍ തോട്ട പറഞ്ഞു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.