2018 December 18 Tuesday
ശ്രമത്തിലാണ്, ഫലപ്രാപ്തിയിലല്ല സംതൃപ്തി ഉളവാകുന്നത്.

സിറിയയിലെ മിസൈലാക്രമണം: പാര്‍ലമെന്റിന്റെ അനുമതി ചോദിച്ചില്ലെന്ന് ബ്രിട്ടീഷ് പ്രതിപക്ഷം

ലണ്ടന്‍: സിറിയയില്‍ യു.എസ്, ഫ്രാന്‍സ് സൈന്യങ്ങള്‍ക്കൊപ്പം മിസൈല്‍ ആക്രമണം നടത്തിയ ബ്രിട്ടണ്‍ നയത്തില്‍ എതിര്‍പ്പുമായി പ്രതിപക്ഷം രംഗത്ത്. പ്രധാനമന്ത്രി തെരേസാ മേയുടെ തീരുമാനം നിയമപരമായി ചോദ്യംചെയ്യപ്പെടാവുന്നതാണെന്ന് പ്രതിപക്ഷ പാര്‍ട്ടിയായ ലേബര്‍ പാര്‍ട്ടി നേതാവ് ജറേമി കോര്‍ബിന്‍ പറഞ്ഞു.

മേ പാര്‍ലമെന്റിന്റെ അനുമതി വാങ്ങണമായിരുന്നു. ട്രംപിനെ പിന്തുടരുകയല്ലായിരുന്നു വേണ്ടതെന്നും അദ്ദേഹം കുറ്റപ്പെടുത്തി.

ബോംബുകള്‍ സമാധാനമുണ്ടാക്കുകയോ ജീവന്‍ രക്ഷിക്കുകയോ ഇല്ല. വാഷിങ്ടണില്‍ നിന്ന് നിര്‍ദേശങ്ങള്‍ കേട്ട് ബ്രിട്ടീഷ് സേനയെ നശിപ്പിക്കരുതെന്നും അദ്ദേഹം പറഞ്ഞു.

സൈനിക നടപടിക്കു മുന്‍പ് പാര്‍ലമെന്റിനോട് അംഗീകാരം വാങ്ങിക്കണമായിരുന്നുവെന്ന അദ്ദേഹത്തിന്റെ അഭിപ്രായത്തോട് മേയുടെ കണ്‍സര്‍വേറ്റീവ് പാര്‍ട്ടിയില്‍ നിന്നടക്കം നിരവധി നേതാക്കള്‍ യോജിച്ചു. ബ്രക്‌സിറ്റിന്റെ പേരില്‍ രാജിവയ്‌ക്കേണ്ടി വന്ന തെരേസാ മേയ്ക്ക് സിറിയയിലെ സൈനിക നടപടി പുതിയ വെല്ലുവിളി ഉയര്‍ത്തുമെന്നാണ് ഇതു സൂചിപ്പിക്കുന്നത്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.