2019 August 21 Wednesday
തെറ്റു ചെയ്യുന്നവന്‍ മനുഷ്യനാണ്; അതിനെക്കുറിച്ചോര്‍ത്തു ദു:ഖിക്കുന്നവന്‍ മഹര്‍ഷിയാണ്; എന്നാല്‍ അതില്‍ അഭിമാനം കൊള്ളുന്നവന്‍ പിശാചാണ്.

ബഹ്‌റൈനില്‍ മലയാളി യുവാവിന്റെ അപകട മരണം: ഉറ്റവരറിയുന്നത് ദിവസങ്ങള്‍ക്ക് ശേഷം

  • പേരാമ്പ്ര സ്വദേശി അജ്മലിന്റെ മൃതദേഹം  ചൊവ്വാഴ്ച
    രാത്രി നാട്ടിലെത്തിക്കും

മനാമ: ബഹ്‌റൈനില്‍ വാഹനാപകടത്തില്‍ മരണപ്പെട്ട കോഴിക്കോട് പേരാമ്പ്ര സ്വദേശി തയ്യുള്ള പറമ്പില്‍ അജ്മലിന്റെ (30) മൃതദേഹം ഇന്ന് ചൊവ്വാഴ്ച വൈകിട്ട് ഏഴുമണിയോടെ കോഴിക്കോട് എയര്‍പോര്‍ട്ടിലെത്തിക്കും.
ബഹ്‌റൈനില്‍ പെരുന്നാള്‍ ദിനത്തിലായിരുന്നു അജ്മല്‍ അപകടത്തില്‍ പെട്ടത്.
പുലര്‍ച്ചെ 3മണിയോടെ അല്‍ ഫതാഹ് ഹൈവേയില്‍ റോഡ് മുറിച്ച് കടക്കുമ്പോള്‍ സ്വദേശിയുടെ കാര്‍ ഇടിക്കുകയിരുന്നു. ഉടന്‍ ആശുപത്രിയില്‍ എത്തിച്ചെങ്കിലും മരിച്ചു.

പെരുന്നാള്‍ ദിനത്തില്‍ മന്ത്രാലയങ്ങള്‍ അവധിയിലായതിനാല്‍ നടപടിക്രമങ്ങള്‍ പൂര്‍ത്തിയാക്കാനായി മൃതദേഹം അധികൃതര്‍ മോര്‍ച്ചറിയിലേക്ക് മാറ്റുകയായിരുന്നു.
എന്നാല്‍ ഈ വിവരമൊന്നും ബഹ്‌റൈനിലെ ബന്ധുക്കളോ സുഹൃത്തുക്കളോ നാട്ടുകാരോ അറിഞ്ഞിരുന്നില്ല.

ഇതിനിടെ മാതാവ് നാട്ടില്‍നിന്നും മകനെ ഫോണില്‍ കിട്ടുന്നില്ലെന്ന് പറഞ്ഞ് ബഹ്‌റൈനിലുള്ള ബന്ധുക്കളെ വിളിച്ചപ്പോഴാണ് അജ്മലിനെ കുറിച്ച് അന്വേഷണം ആരംഭിച്ചത്. ഹൂറ പൊലിസ് സ്റ്റേഷനില്‍ എത്തിയപ്പോഴാണ് അപകടമരണമറിഞ്ഞ്
മോര്‍ച്ചറിയിലെത്തി അജ്മലിനെ തിരിച്ചറിയുന്നത്.
ബഹ്‌റൈനില്‍ സ്വകാര്യ ട്രേഡിങ് കമ്പനിയില്‍ സെയില്‍സ്മാനായിരുന്നു അജ്മല്‍. തമന്നയാണ് ഭാര്യ, പിതാവ് കുഞ്ഞുഹസന്‍, മാതാവ് സഫിയ, സഹോദരങ്ങള്‍: അജ്‌നാസ് (ബഹ്‌റൈന്‍), തസ്‌നി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News