2017 June 25 Sunday
നമ്മുടെ വിനയം വലുതാകുന്തോറും നാം വലിപ്പത്തോട് അടുത്ത് വരികയാണ്
രവീന്ദ്രനാഥ് ടാഗോര്‍

12 മാസത്തേക്ക് സൗജന്യ ഇന്റര്‍നെറ്റ് ഓഫറുമായി എയര്‍ടെല്‍

 

രാജ്യത്തെ വലിയ മൊബൈല്‍ സേവനദാതാക്കളിലൊന്നായ എയര്‍ടെല്‍ പുതിയ ഓഫറുമായി രംഗത്ത്. റിലയന്‍സ് ജിയോയുടെ വെല്ലുവിളിയെ നേരിടാനൊരുങ്ങിയാണ് പുതിയ ഓഫറിന്റെ പ്രഖ്യാപനം. ത്രി ജിയില്‍ നിന്ന് 4 ജിയിലേക്കു മാറുന്ന എയര്‍ടെല്‍ ഉപഭോക്താക്കള്‍ക്കാണ് ഓഫര്‍.

12 മാസത്തേക്ക് 9000 രൂപയുടെ ഡാറ്റ സൗജന്യമായി നല്‍കുന്നതാണ് ഓഫര്‍. ജിയോ നല്‍കുമ്പോലെ സൗജന്യം വെറുതെ നല്‍കില്ല. ജനുവരി നാലു മുതല്‍ ഫെബ്രുവരി 28 വരെ ഈ ഓഫര്‍ ചെയ്യാം.

345 രൂപയുടെ ഓഫര്‍ ചെയ്യുന്നതിനൊപ്പമാണ് ഓരോ മാസവും 3 ജി.ബി ഡാറ്റ സൗജന്യമായി ലഭിക്കുക. നിലവില്‍ ഈ റീച്ചാര്‍ജ്ജില്‍ ലഭിക്കുന്ന 1 ജി.ബി ഡാറ്റ, രാജ്യത്തെ ഏതു നെറ്റ് വര്‍ക്കിലേക്കും സൗജന്യ എസ്.ടി.ഡി, ലോക്കല്‍ കോളുകള്‍ക്കും പുറമേയാണ് 3 ജി.ബിയും ലഭിക്കുക.

ആദ്യത്തെ 3 ജി.ബി ഡാറ്റ മൈ എയര്‍ടെല്‍ ആപ്പ് വഴിയാണ് ലഭിക്കുക. പിന്നീടുള്ള ഓരോ റീച്ചാര്‍ജ്ജിലും അപ്പപ്പോള്‍ ലഭിക്കും. 28 ദിവസമായിരിക്കും പാക്കിന്റെ കാലാവധി. ഇങ്ങനെ ഓരോ മാസവും റീച്ചാര്‍ജ്ജ് ചെയ്ത് ഡിസംബര്‍ 31 നുള്ളില്‍ പരമാവധി 13 റീച്ചാര്‍ജ്ജ് വരെ ചെയ്യാം.



 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.