2019 August 25 Sunday
സുഹൃത്തുക്കളോടു നന്നായി പെരുമാറുക; അവര്‍ നിങ്ങളോടു കൂടുതല്‍ അടുക്കും. ശത്രുക്കളോടും നന്നായി പെരുമാറുക;അവരെ നേടാന്‍ നിങ്ങള്‍ക്കു കഴിയും.

കോണ്‍ഗ്രസുമായി സഖ്യമില്ലെന്ന് ആം ആദ്മി

 

ന്യൂഡല്‍ഹി: ഡല്‍ഹിയില്‍ കോണ്‍ഗ്രസുമായി സഖ്യം സംബന്ധിച്ച് അവസാന പ്രതീക്ഷയും അസ്തമിച്ചെന്ന് ആം ആദ്മി പാര്‍ട്ടി. സഖ്യ സാധ്യതകള്‍ കോണ്‍ഗ്രസ് ഇല്ലാതാക്കുകയായിരുന്നെന്ന് പാര്‍ട്ടി ആരോപിച്ചു.

കോണ്‍ഗ്രസിന് കാര്യമായ സ്വാധീനമില്ലാത്ത ഡല്‍ഹിയില്‍ അവര്‍ നാല് സീറ്റ് ആവശ്യപ്പെട്ടെന്നും, പഞ്ചാബില്‍ 20 എം.എല്‍.എമാരും നാല് എം.പിമാരുമുള്ള ആം ആദ്മിക്ക് ഒരു സീറ്റുപോലും ചര്‍ച്ചയില്‍ കോണ്‍ഗ്രസ് അനുവദിച്ചില്ലെന്നും   ആം ആദ്മി നേതാവ് മനീഷ് സിസോദിയ വ്യക്തമാക്കി. ഹരിയാനയില്‍ കോണ്‍ഗ്രസിന് ആറും, ജനായക് ജനതാ പാര്‍ട്ടിക്ക് മൂന്നും, ആം ആദ്മി പാര്‍ട്ടിക്ക് ഒരു സീറ്റുമെന്ന ധാരണയോടും കോണ്‍ഗ്രസ് അനുകൂലമായി പ്രതികരിച്ചില്ലെന്നും അദ്ദേഹം പറഞ്ഞു.

ഡല്‍ഹയിലെ പാര്‍ട്ടി സ്ഥാനാര്‍ഥികളെ വൈകാതെ പ്രഖ്യാപിക്കുമെന്നും , കോണ്‍ഗ്രസുമായി ഇനി യാതൊരുവിധ സഖ്യ ചര്‍ച്ചകള്‍ക്കുമില്ലെന്നും മനീഷ് സിസോദിയ കൂട്ടിച്ചേര്‍ത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News