2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

നരകത്തിന്റെ വാതില്‍..

നരകത്തിന്റെ വാതില്‍. ഉണ്ട് അങ്ങനെയൊരു വാതിലുണ്ട്. തുര്‍ക്‌മെനിസ്താനില്‍ ദെര്‍വേസ് എന്ന ഗ്രാമത്തിലാണ് ഇങ്ങനെയൊരു വിശേഷണമുള്ള വാതിലുള്ളത്. വാതില്‍ എന്നാല്‍, ഒരു വലിയ ഗര്‍ത്തമാണിത്. ഒരിക്കലും അണയാത്ത അഗ്നിയാണ് ഈ ഗര്‍ത്തത്തിലുള്ളത്. അതിനാലാണ് ഗര്‍ത്തത്തിന് ഈ പേര് ലഭിച്ചതും. നരകത്തിന്റെ വാതില്‍ (ഡോര്‍ ടു ഹെല്‍).

door-hell-1

1971 ല്‍ സോവിയറ്റ് യൂണിയന്‍ ഗവേഷകരാണ് ഇത് കണ്ടെത്തുന്നത്. തുര്‍ക്ക്‌മെനിസ്താന്‍ സോവിയറ്റ് യൂണിയന്റെ ഭാഗമായിരുന്ന കാലത്ത് ശാസ്ത്രജ്ഞര്‍ ഇവിടെ വാതക നിക്ഷേപമുണ്ടെന്ന് കണ്ടെത്തി. വാതകത്തിന്റെ സാംപിള്‍ എടുക്കാനായി ഭൂമി ഡ്രില്‍ ചെയ്തപ്പോള്‍ മണ്ണ് അടര്‍ന്ന് ഒരു വലിയൊരു ഗര്‍ത്തം രൂപപ്പെടുകയായിരുന്നു. ഇതില്‍ നിന്നുള്ള വാതകം ശ്വസിച്ച് ഗ്രാമവാസികള്‍ക്ക് ആരോഗ്യപ്രശ്‌നങ്ങള്‍ ഇല്ലാതാക്കാന്‍ ശാസ്ത്രജ്ഞരുടെ നിര്‍ദേശപ്രകാരം ഇവിടെ തീയിട്ടു. കുറച്ചു ദിവസങ്ങള്‍ക്കുള്ളില്‍ തീയണയുമെന്ന് വിചാരിച്ചെങ്കിലും തീയണഞ്ഞില്ല. അതിപ്പോഴും കത്തുന്നു. കഴിഞ്ഞ 46 വര്‍ഷമായിട്ടും ഇവിടുത്തെ തീയണഞ്ഞിട്ടില്ല.

door-hell-2

അണയാത്ത അഗ്നിക്കു പിന്നില്‍..

 

ശാസ്ത്രകാരന്മാര്‍ ഡ്രില്‍ ചെയ്തപ്പോള്‍ രൂപപ്പെട്ട ഈ ഗര്‍ത്തമാണ് ഡോര്‍ ടു ഹെല്‍ ആയത്. ഇതിന് ഏകദേശം 230 അടി വീതിയുണ്ട്. അതായത് ഒരു ഫുട്‌ബോള്‍ ഗ്രൗണ്ടിന്റെ അത്രയും വലിപ്പം. ഗര്‍ത്തത്തിനുള്ളിലെ അണയാത്ത അഗ്നിക്കു പിന്നില്‍ മീഥെയ്ല്‍ എന്ന വാതകമാണ്.

2010ല്‍ തുര്‍ക്ക്‌മെനിസ്താന്‍ പ്രസിഡന്റ് ഈ കുഴി മൂടാന്‍ തീരുമാനിച്ചെങ്കിലും നടന്നില്ല. ഇതില്‍ നിന്നും പുറപ്പെടുന്ന പ്രകൃതി വാതകം കയറ്റുമതി ചെയ്യാനുള്ള പ്ലാനിലാണ് ഇപ്പോള്‍ രാജ്യം.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.