2018 November 16 Friday
നിങ്ങള്‍ മൂന്നുപേരുള്ളപ്പോള്‍ രണ്ട് പേര്‍ മാത്രം മാറിനിന്ന് സ്വകാര്യം പറയരുത്

യു.പിയില്‍ സി.പി.എം നേതാവിനെ വെടിവച്ചു കൊന്നു

ലഖ്‌നൗ: ഉത്തര്‍പ്രദേശില്‍ സി.പി.എം നേതാവിനെ വനമാഫിയ സംഘം വെടിവെച്ചുകൊന്നു. കര്‍ഷക തൊഴിലാളി യൂണിയന്‍ നേതാവായ ഹിമ്മത്ത് കോല്‍ ആണ് കൊല്ലപ്പെട്ടത്. മിര്‍സാപൂര്‍ ജില്ലയിലെ ഹാലിയയിലാണ് സംഭവം.

ഒരു ദിവസം പഴക്കം ചെന്ന ഹിമ്മത്തിന്റെ മൃതദേഹം വനത്തിനുള്ളില്‍ നിന്നും ഗ്രാമവാസികളാണ് കണ്ടെത്തിയത്. ദുര്‍ഗാപൂജയില്‍ പങ്കെടുത്തുകൊണ്ടിരിക്കുകയായിരുന്ന അദ്ദേഹത്തെ അജ്ഞാതനായ വ്യക്തി വിളിച്ചതായും ഇതിന് ശേഷം പുറത്ത് പോയ സഖാവിനെ മരിച്ചനിലയിലാണ് കണ്ടെത്തുന്നതെന്നും കൂടെയുണ്ടായിരുന്ന തൊഴിലാളികള്‍ അറിയിച്ചു.

ആദിവാസി ജനവിഭാഗത്തിനിടയില്‍ വലിയ സ്വാധീനമുണ്ടായിരുന്ന നേതാവായിരുന്നു ഹിമ്മത്ത് കോല്‍. നാല് പതിറ്റാണ്ടോളം ആദിവാസികള്‍ക്ക് ഭൂമിയും സുരക്ഷയും ഉപജീവനമാര്‍ഗങ്ങളും ഒരുക്കുന്നതിനുള്ള മുന്നണി പോരാളിയായിരുന്നു അദ്ദേഹം.

വനകേന്ദ്രീകൃതമായ പ്രദേശത്ത് മാഫിയകള്‍ സജീവമാണ്. ഇന്ത്യനേപാള്‍ അതിര്‍ത്തി പ്രദേശമായ ഇവിടം മയക്കുമരുന്ന് സംഘത്തിന്റെ പ്രധാന ഇടനാഴികൂടിയാണ്. എന്നാല്‍ വനംവകുപ്പും പൊലീസും ആദിവാസികളെ അവരുടെ ഭൂമിയില്‍ നിന്നും ഒഴിപ്പിക്കുന്നവിധം നടപടികളാണ് സ്വീകരിച്ചുവരുന്നത്.


 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.