2019 September 23 Monday
സത്യാന്വേഷിയുടെ ആത്മീയ അന്വേഷണത്തിന്റെ ഭാഗമാണ് നിശബ്ദത

ഊർജ്ജാവശ്യത്തിനായി യുറേനിയം ഉൽപാദനവും സമ്പുഷ്ടീകരണവും നടത്താൻ ഒരുങ്ങുന്നുവെന്നു സഊദി ഊർജ്ജ മന്ത്രി

    റിയാദ്: സഊദി അറേബ്യ യുറേനിയം സമ്പുഷ്‌ടീകരണവും ഉത്പാദനവും നടത്താനല്ല അന്തിമ ഒരുക്കത്തിലാണെന്നും അതിനുള്ള തയാറെടുപ്പുകൾ തുടരുകയാണെന്നും പുതിയ സഊദി ഊർജ്ജ മന്ത്രി പ്രിൻസ് അബ്ദുൽ അസീസ് ബിൻ സൽമാൻ രാജകുമാരൻ പറഞ്ഞു. ഇതിനായി രണ്ടു റിയാക്ക്ടറുകളുടെ പ്രവർത്തനം നടന്നു വരികയാണെന്നും അദ്ദേഹം കൂട്ടിച്ചേർത്തു. അബുദാബിയിൽ നടക്കുന്ന 24 ആമത് ലോക എനർജി കോൺഗ്രസിന്റെ ഉദ്ഘാടന പരിപാടിയിൽ സംസാരിക്കുകയായിരുന്നു കഴിഞ്ഞ ദിവസം ചുമതലയേറ്റ സഊദി ഊർജ്ജ മന്ത്രി. ചുമതലയേറ്റ ശേഷമുള്ള ആദ്യ പരിപാടിയിലാണ് ആണവോർജ്ജത്തിലെ സഊദി നിലപാട് അദ്ദേഹം വ്യക്തമാക്കിയത്. ആണവ പദ്ധതിയിൽ ഞങ്ങൾ ജാഗ്രതയോടെ മുന്നോട്ട് പോകുകയാണ്. അതിനായി സഊദി രണ്ട് ന്യൂക്ലിയർ റിയാക്ടറുകളിൽ പരീക്ഷണം നടത്താനാണ് പദ്ധതിയെന്നും അദ്ദേഹം കൂട്ടിച്ചേർത്തു.
    ആണവ പദ്ധതിയുടെ മുഴുവൻ ഘട്ടങ്ങളുമായി മുന്നോട്ട് പോകാൻ സഊദി ആഗ്രഹിക്കുന്നു. ഇന്ധനത്തിനായി യുറേനിയം ഉൽപാദിപ്പിക്കുകയും സമ്പുഷ്ടമാക്കുകയും ചെയ്യുകയാണ് ഞങ്ങളുടെ ലക്ഷ്യം. രാജ്യത്തെ ആദ്യത്തെ രണ്ട് ആണവോർജ്ജ റിയാക്ടറുകൾക്ക് ടെണ്ടർ നൽകാനുള്ള പദ്ധതിയെ പരാമർശിച്ച് മന്ത്രി കൂട്ടിച്ചേർത്തു. അടുത്ത വർഷം തന്നെ ടെണ്ടർ നൽകുമെന്നും അദ്ദേഹം കൂട്ടിച്ചേർത്തു. ഈമേഖലയിൽ  മൾട്ടി ബില്യൺ ഡോളർ പദ്ധതി നടപ്പിലാക്കാനായി അമേരിക്ക, റഷ്യ, സൗത്ത് കൊറിയ, ചൈന, ഫ്രാൻസ് രാജ്യങ്ങളിലെ കമ്പനികളുമായി പ്രാഥമിക ചർച്ചകൾ നടന്നു വരികയാണ്. ദേശീയ എണ്ണ കമ്പനിയായ സഊദി അരാംകോയുടെ പ്രാഥമിക ഷെയർ വിൽപ്പന ഉടൻ തന്നെയുണ്ടാകുമെന്നും അദ്ദേഹം പറഞ്ഞു. 2020-2021 വർഷത്തോടെ അരാംകോയുടെ അഞ്ചു ശതമാനം ഓഹരികൾ പൊതു വിപണിയിൽ വിറ്റഴിക്കാനാണ് ശ്രമം നടക്കുന്നത്. ലോകത്തെ ഏറ്റവും വലിയ ഐ പി ഒ  ആയിരിക്കുമിതെന്നാണ് വാർത്തകൾ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.