2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

നാദിര്‍ഷായെ വീണ്ടും ചോദ്യം ചെയ്യും; അറസ്റ്റിനും സാധ്യത

കൊച്ചി: നടിയെ ആക്രമിച്ച കേസില്‍ സംവിധായകന്‍ നാദിര്‍ഷായെ വീണ്ടും ചോദ്യം ചെയ്‌തേക്കും. തെളിവു നശിപ്പിച്ചതിലടക്കം നാദിര്‍ഷായ്ക്ക് പങ്കുണ്ടെന്ന് പൊലിസ് സംശയിക്കുന്നു. ഇതിന്റെ അടിസ്ഥാനത്തിലാണ് വീണ്ടും ചോദ്യം ചെയ്യാന്‍ തീരുമാനിച്ചതെന്നാണ് സൂചന. അറസ്റ്റിനുള്ള സാധ്യതകളും നിലനില്‍ക്കുന്നുണ്ട്.

അറസ്റ്റിലാവുന്നതിന് മുന്‍പ് ദിലീപിനൊപ്പം നാദിര്‍ഷായേയും 13 മണിക്കൂറോളം പൊലിസ് ചോദ്യം ചെയ്തിരുന്നു.

അതേസമയം, റിമാന്‍ഡില്‍ കഴിയുന്ന ദിലീപിനെ ബന്ധുക്കളേയും പൊലിസ് കഴിഞ്ഞ ദിവസം ചോദ്യം ചെയ്തിരുന്നു. ദിലീപിന്റെ സഹോദരി ഭര്‍ത്താവ് ഉള്‍പ്പെടെയുള്ളവരേയാണ് ചോദ്യം ചെയ്തത്.

ദിലീപിന്റെ മുന്‍ഭാര്യ മഞ്ജു വാര്യരുടെ സഹോദരന്‍ മധു വാര്യരുടെ മൊഴിയും അന്വേഷണസംഘം എടുത്തിരുന്നു. മാത്രമല്ല കേസിലെ മുഖ്യപ്രതി പള്‍സര്‍ സുനിയുടെ മുന്‍അഭിഭാഷകന്‍ പ്രതീഷ് ചാക്കോയുടെ ജൂനിയര്‍ രാജു ജോസഫിനെ അന്വേഷണ സംഘം ഇന്നലെ അറസ്റ്റ് ചെയ്ത് വിട്ടയച്ചിരുന്നു. പള്‍സര്‍ സുനി നല്‍കിയ നടിയെ ആക്രമിച്ച ദൃശ്യങ്ങളടങ്ങിയ മെമ്മറികാര്‍ഡും ഫോണും തന്റെ ജൂനിയറായ രാജു ജോസഫിനെ ഏല്‍പ്പിച്ചെന്നും ഇയാള്‍ ഇത് നശിപ്പിച്ചതായും പ്രതീഷ് ചാക്കോ നേരത്തെ മൊഴി നല്‍കിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News