2019 May 27 Monday
ഒരാളുടെ മഹത്വം അളക്കുന്നത് അയാള്‍ തനിക്ക് താഴ്ന്നവരോട് എങ്ങനെ ഇടപെടുന്നു എന്നു നോക്കിയാണ് -ജെ.കെ റൗളിങ്‌

ദേശീയ ദിനാഘോഷം: യു എ ഇ യില്‍ രണ്ട് ദിവസം അവധി

ദുബൈ: യുഎ ഇ യുടെ നാല്‍പ്പത്തി ഏഴാമത് ദേശീയ ദിനാഘോഷങ്ങളുടെ ഭാഗമായി രാജ്യത്ത് രണ്ട് ദിവസത്തെ അവധി പ്രഖ്യാപിച്ചു. ഡിസംബര്‍ 2, 3 തീയ്യതികളിലാണ് സര്‍ക്കാര്‍-സ്വകാര്യ മേഖലകള്‍ക്ക് യുഎഇ മന്ത്രി സഭ അവധി നല്‍കിയത്.

രണ്ട് ദിവസത്തെ അവധി പ്രഖ്യാപിച്ചതോടെ വെള്ളി, ശനി ദിവസങ്ങളിലെ വാരാന്ത്യ അവധി കൂടി കൂട്ടിച്ചേര്‍ത്ത് നാല് ദിവസത്തെ അവധിയാണ് യു എ ഇയിലെ പ്രവാസികള്‍ക്ക് ലഭിക്കുന്നത്. പതിവ് രീതികളില്‍ നിന്ന് അല്‍പ്പം വ്യത്യസ്ഥമായാണ് യു എ ഇ ഇത്തവണ ദേശീയ ദിനം ആഘോഷിക്കുന്നത്. വ്യക്തികള്‍ക്ക് അതീതമായി രാജ്യത്തിന്റെ നേട്ടങ്ങള്‍ ആഘോഷിക്കാനാണ് യു എ ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ആഹ്വാനം ചെയ്തിരിക്കുന്നത്.

രാജ്യത്തിനായി പുതിയ പദ്ധതികള്‍ സമര്‍പ്പിക്കാനും ശൈഖ് മുഹമ്മദ് ബിന്‍ റാഷിദ് അല്‍ മക്തൂം ആഹ്വാനം ചെയ്തിട്ടുണ്ട്. മികച്ച പദ്ധതികള്‍ സമര്‍പ്പിക്കുന്ന സംഘത്തെ ദേശീയ ദിനത്തില്‍ യു എ ഇ ആദരിക്കും. രാഷ്ട്ര സ്ഥാപകന്‍ ശൈഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്‍ നമുക്കൊപ്പമുണ്ടായിരുന്നെങ്കില്‍ അദ്ദേഹത്തെ സന്തുഷ്ടനാക്കുമായിരുന്ന പദ്ധതികള്‍ സ്വാഗതം ചെയ്യുന്നുവെന്നും അദ്ദേഹം പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News