2019 October 18 Friday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ഗസ്സയെ ഞെരുക്കിക്കൊല്ലാന്‍ ഇസ്‌റാഈല്‍; ഇന്ധനത്തിനും ഉപരോധം ഏര്‍പ്പെടുത്തി

ഗസ്സ സിറ്റി: ഫലസ്തീന്‍ പ്രദേശമായ ഗസ്സയ്ക്കു മേല്‍ കൂടുതല്‍ ഉപരോധവുമായി ഇസ്‌റാഈല്‍. ഗ്യാസ്, ഇന്ധനം എന്നിവയ്ക്കാണ് ഇപ്പോള്‍ ഉപരോധം ഏര്‍പ്പെടുത്തിയിരിക്കുന്നത്.

മത്സ്യബന്ധന മേഖലയും വെട്ടിച്ചുരുക്കിയിട്ടുണ്ട്. ആറു നോട്ടിക്കല്‍ മൈല്‍ ദൂരമുണ്ടായിരുന്നത് മൂന്നിലേക്ക് ചുരുക്കിയാണ് ഉപരോധം ശക്തമായക്കിയത്.

അതിര്‍ത്തികള്‍ അടിച്ചിട്ടു കൊണ്ട് പ്രഖ്യാപനമുണ്ടായതിനു പിന്നാലെയാണ് കറം ശാലോം എന്ന ഏക വാണിജ്യ ക്രോസിങിലും നിയന്ത്രണം ഏര്‍പ്പെടുത്തിയത്. ഇതുവഴി ഇനി ഭക്ഷണവും മരുന്നും മാത്രമാണ് കടത്തിവിടുക. അതിനും കടുത്ത നിയന്ത്രണമുണ്ട്.

ഹമാസിന്റെ തുടരെയുള്ള തീവ്രവാദ പ്രവര്‍ത്തനത്തേത്തുടര്‍ന്നാണ് നിയന്ത്രണം ഏര്‍പ്പെടുത്തുന്നതെന്ന് ഇസ്‌റാഈല്‍ പ്രതിരോധ മന്ത്രി അവിഗ്‌ഡോര്‍ ലൈബര്‍മാന്‍ പറഞ്ഞു. എന്നാല്‍ ഇസ്‌റാഈലിന്റെ നടപടിയെ ഹമാസ് തള്ളിപ്പറഞ്ഞു.

ഗസ്സ നിയന്ത്രിക്കുന്ന ഹമാസ് പ്രവര്‍ത്തകര്‍ ഇസ്‌റാഈലിലേക്ക് ബലൂണിലും പട്ടങ്ങളിലും തീപ്പന്തം പാറപ്പിച്ചതിനെത്തുടര്‍ന്നാണ് നടപടി. ഇസ്‌റാഈല്‍ കൃഷിയിടങ്ങള്‍ക്കും വീടുകള്‍ക്കും തീപിടിച്ചുവെന്നാണ് റിപ്പോര്‍ട്ടുകള്‍.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.