2019 December 07 Saturday
ഇന്ത്യയും സഊദിയും 2020 ലെ ഹജ്ജ് കരാർ ഒപ്പ് വെച്ചു

ഖത്തര്‍ ബഹിഷ്‌കരണം പിന്‍വലിക്കാന്‍ 13 ആവശ്യങ്ങളുമായി അറബ് രാജ്യങ്ങള്‍

സലാം കൂടരഞ്ഞി

റിയാദ്: ഖത്തറിനെതിരെ ഏര്‍പ്പെടുത്തിയ ഉപരോധം പിന്‍വലിക്കാന്‍ ഉപാധികളുമായി അറബ് രാജ്യങ്ങള്‍. വിവിധ ആവശ്യങ്ങള്‍ ഉള്‍പ്പെട്ട 13 ഉപാധികളാണ് അറബ് രാജ്യങ്ങള്‍ മുന്നോട്ടു വച്ചത്. സഊദി അറേബ്യ, യു.എ.ഇ, ബഹ്‌റിന്‍ തുടങ്ങിയ രാജ്യങ്ങളാണ് ഉപരോധം പിന്‍വലിക്കാന്‍ ഉപാധികളുമായി രംഗത്തെത്തിയത്.

ഭീകരതക്ക് പിന്തുണ നല്‍കുന്നതിനാല്‍ ഖത്തറിനെ ബഹിഷ്‌കരിച്ച നാല് അറബ് രാജ്യങ്ങള്‍ 13 ആവശ്യങ്ങള്‍ തര്‍ക്കത്തില്‍ മാധ്യസ്ഥം വഹിക്കുന്ന കുവൈത്ത് വഴിയാണ് ഖത്തറിനു കൈമാറിയത്. ഇവ നടപ്പിലാക്കാന്‍ പത്തു ദിവസത്തെ സമയവും നല്‍കിയിട്ടുമുണ്ട്. നഷ്ടപരിഹാരം നല്‍കണമെന്നും ആവശ്യപ്പെട്ടതായി അന്താരാഷ്ട്ര വാര്‍ത്താ ഏജന്‍സികള്‍ റിപ്പോര്‍ട്ട്‌ചെയ്തു.

ഖത്തര്‍ ആസ്ഥാനമായുള്ള അല്‍ജസീറ ചാനല്‍ അടച്ചുപൂട്ടുക, ഇറാനുമായുള്ള ബന്ധം അവസാനിപ്പിക്കുക, ഖത്തറിലെ തുര്‍ക്കി വ്യോമതാവളം അടക്കുക എന്നിവ ആവശ്യങ്ങളില്‍ ഉള്‍പ്പെടുന്നതായി റിപ്പോര്‍ട്ടുകളില്‍ പറയുന്നു.

തങ്ങള്‍ക്കെതിരായ ആരോപണങ്ങള്‍ രണ്ടു ദിവസത്തിനകം സമര്‍പ്പിക്കണമെന്ന് ഖത്തര്‍ നേരത്തെ വിദേശകാര്യമന്ത്രി ആവശ്യപ്പെട്ടിരുന്നു. അതേസമയം, തീവ്രവാദ ഗ്രൂപ്പുകളെ ഖത്തര്‍ ഒരിക്കലും സഹായിച്ചിട്ടില്ലെന്നു ഖത്തര്‍ വീണ്ടും വ്യക്തമാക്കി. സഊദി സഖ്യ രാഷ്ട്ര ഉപാധികളെ കുറിച്ച് ഖത്തര്‍ പ്രതികരിച്ചിട്ടില്ല.




 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News