2020 July 14 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

അമേരിക്കയില്‍ കുടുങ്ങിയ ഇന്ത്യന്‍ പൗരന്മാരെ തിരികെ കൊണ്ടുവരണമെന്നാവശ്യപ്പെട്ട് ഹരജി

ന്യൂയോര്‍ക്ക്: കൊവിഡ്- 19 മൂലം ഇന്ത്യാ ഗവണ്‍മെന്റ് സ്വീകരിച്ച യാത്രാ നിരോധനം അമേരിക്കയില്‍ കുടുങ്ങി കിടക്കുന്ന ആയിരകണക്കിന് ഇന്ത്യന്‍ പൗരന്മാരെ സാരമായി ബാധിച്ചിട്ടുണ്ടെന്നും ഇവരെ ഇന്ത്യയിലേക്ക് തിരികെ കൊണ്ടുവരുന്നതിന് ഇന്ത്യാ ഗവണ്‍മെന്റിനു ശക്തമായ നിര്‍ദേശം നല്‍കണമെന്നും ആവശ്യപ്പെട്ട് ഇന്ത്യന്‍ സുപ്രിം കോടതിയില്‍ ലൊസ്യൂട്ട് ഫയല്‍ ചെയ്തു.

കൊവിഡ് എന്ന മഹാമാരി അമേരിക്കയില്‍ വ്യാപകമാകുന്നതിനാല്‍ സുരക്ഷിതമായി ഇന്ത്യന്‍ പൗരന്മാരെ ഉടന്‍ ഒഴിപ്പിക്കണമെന്നും ഇവര്‍ ആവശ്യപ്പെട്ടു. വിഭ മക്കിജ (VIBHA MAKHIJA) എന്ന അഭിഭാഷകയാണു സുപ്രിം കോടതിയെ സമീപിച്ചിരിക്കുന്നത്. എല്ലാ രാജ്യക്കാരും അവരുടെ പൗരന്മാരെ കൊണ്ടുപോകുന്നതിനുള്ള നടപടികള്‍ സ്വീകരിച്ചിട്ടും ഇന്ത്യാ ഗവണ്‍മെന്റ് മാത്രം അനങ്ങാപ്പാറ നയം സ്വീകരിച്ചിരിക്കുന്നത് പൗരന്മാരോടുള്ള വെല്ലുവിളിയാണെന്ന് വിഭ പറയുന്നു. ഇന്റര്‍ നാഷണല്‍, ഡൊമസ്റ്റിക് വിമാന സര്‍വീസുകള്‍, ഇന്ത്യ ഗവണ്‍മെന്റ് നിരോധിച്ചിരിക്കുന്നത് ഭരണഘടനാ ലംഘനമാണെന്നും ഇവര്‍ ചൂണ്ടികാണിച്ചിട്ടുണ്ട്.

മാര്‍ച്ച് 11 മുതല്‍ ഏര്‍പ്പെടുത്തിയ ട്രാവല്‍ ബാന്‍ ഒ.സി.ഐ കാര്‍ഡുള്ള ഇന്ത്യന്‍ അമേരിക്കന്‍സ് എന്നതു തിരുത്തി ഇന്ത്യന്‍ നാഷണല്‍സ് എന്നാക്കി പിന്നീട് ഇന്ത്യ ഗവണ്‍മെന്റ് വിജ്ഞാപനം പുറപ്പെടുവിച്ചിരുന്നു. അമേരിക്കയില്‍ അകപ്പെട്ട ഇന്ത്യന്‍ പൗരന്മാരുടെ വീസ നീട്ടി കൊടുക്കുന്നതിനു കോണ്‍സുലേറ്റും വാഷിങ്ടണ്‍ ഇന്ത്യന്‍ എംബസിയും അടിയന്തിര നടപടികള്‍ സ്വീകരിക്കണമെന്നും ഇവര്‍ ആവശ്യപ്പെട്ടിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.