2019 July 22 Monday
നിങ്ങളുടെ അമ്മയോട് സംസാരത്തില്‍ മൂര്‍ച്ചയുള്ള വാക്കുകള്‍ ഉപയോഗിക്കരുത്. നിങ്ങളെ സംസാരിക്കാന്‍ പഠിപ്പിച്ചത് ആ അമ്മയാണെന്ന് മറക്കരുത്.

‘പുതിയ ഇന്ത്യ’ 2022 ലെന്ന് ബി.ജെ.പി; റാഫേല്‍, രാമക്ഷേത്ര വിഷയത്തില്‍ പരാമര്‍ശമില്ല

ന്യൂഡല്‍ഹി: ‘പുതിയ ഇന്ത്യ’ 2022 ഓടെ നിര്‍മിക്കുമെന്ന് വാഗ്ദാനം ‘പുതുക്കി’ ബി.ജെ.പി. നാഷണല്‍ എക്‌സിക്യൂട്ടീവ് യോഗത്തില്‍ അവതരിപ്പിച്ച പ്രമേയത്തിലാണ് ഇക്കാര്യം പറയുന്നത്. പ്രതിപക്ഷത്തിന് നേതൃത്വമോ നയമോ ഇല്ലെന്നും അതേസമയം, നരേന്ദ്ര മോദി രാജ്യത്തെ ഏറ്റവും ജനപ്രിയനായ നേതാവാണെന്നും പ്രമേയത്തില്‍ പറഞ്ഞു.

കേന്ദ്ര ആഭ്യന്തര മന്ത്രിയും മുതിര്‍ന്ന ബി.ജെ.പി നേതാവുമായ രാജ്‌നാഥ് സിങാണ് പ്രമേയം അവതരിപ്പിച്ചത്. കാവി പാര്‍ട്ടിയെ തകര്‍ക്കാനുള്ള പ്രതിപക്ഷ പദ്ധതി പകല്‍ സ്വപ്‌നമാണെന്നും പ്രമേയത്തില്‍ പറഞ്ഞു.

റാഫേല്‍ ഇടപാടിനെക്കുറിച്ച് പരാമര്‍ശിച്ചിട്ടില്ലെന്ന് മാധ്യമപ്രവര്‍ത്തകര്‍ ചൂണ്ടിക്കാണിച്ചപ്പോള്‍, അതിന്റെ ആവശ്യമില്ലെന്ന് പ്രകാശ് ജാവേദ്കര്‍ പ്രതികരിച്ചു. ഇടപാടില്‍ അഴിമതിയുണ്ടെന്ന് ആരോപിക്കുന്നവര്‍, ഇതില്‍ ഇടനിലക്കാരില്ലെന്ന് ഓര്‍ക്കണമെന്നും അദ്ദേഹം പറഞ്ഞു.

അയോധ്യയില്‍ രാമക്ഷേത്ര നിര്‍മാണത്തെപ്പറ്റിയും പ്രമേയത്തില്‍ പരാമര്‍ശമില്ല.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.