2018 November 17 Saturday
ജീവിച്ചതല്ല ജീവിതം, നാം ഓര്‍മയില്‍ വയ്ക്കുന്നതാണ്, പറഞ്ഞു കേള്‍പ്പിക്കാന്‍ വേണ്ടി നാം ഓര്‍മ്മയില്‍ വയ്ക്കുന്നതാണു ജീവിതം

നിപാ: ഏഴാം ദിനത്തിലും പുതിയ കേസുകളില്ല, ലഭിച്ച 25 റിസള്‍ട്ടും നെഗറ്റീവ്

കോഴിക്കോട്: ഒരാഴ്ചയായി പുതിയതായി ആര്‍ക്കും നിപ സ്ഥിരീകരണമില്ല. ഇതോടെ കോഴിക്കോട് ജനജീവിതം സാധാരണ നിലയിലേക്ക് എത്തുന്നു. അടുത്ത ദിവസങ്ങളിലും നിപാ വൈറസ് ബാധ റിപ്പോര്‍ട്ട് ചെയ്തില്ലെങ്കില്‍ 12 ന് തന്നെ വിദ്യാഭ്യാസ സ്ഥാപനങ്ങള്‍ തുറക്കാന്‍ കഴിയുമെന്ന പ്രതീക്ഷയിലാണ് അധികൃതര്‍. വ്യാഴാഴ്ച ലഭിച്ച 25 റിസള്‍ട്ടും നെഗറ്റീവാണ്. ഇതുവരെ നിപാ രോഗലക്ഷണമുള്ള 296 പേരുടെ സ്രവ സാംപിളുകള്‍ പരിശോധിച്ചപ്പോള്‍ 278 എണ്ണം നെഗറ്റീവ് ആണ്.

വ്യാഴാഴ്ച അഞ്ചു പേരെ കൂടി മെഡിക്കല്‍ കോളജില്‍ പ്രവേശിപ്പിച്ചു. ഇതോടെ ഒന്‍പതു പേരാണ് ഇപ്പോള്‍ നിരീക്ഷണത്തിലുള്ളത്. സമ്പര്‍ക്ക പട്ടികയില്‍ 90 പേരെക്കൂടി ചേര്‍ത്തു. ഇതോടെ സമ്പര്‍ക്ക പട്ടികയില്‍ 2,626 പേരായി.

അതേസമയം നാഷനല്‍ ഇന്‍സ്റ്റിറ്റ്യൂട്ട് ഓഫ് എപ്പിഡമോളജി (എന്‍.ഐ.ഇ) ഡയറക്ടര്‍ ഡോ.മനോജ് വി മുറേക്കര്‍ രോഗം ആദ്യമായി റിപ്പോര്‍ട്ട് ചെയ്തപേരാമ്പ്ര സന്ദര്‍ശിച്ചു. രാവിലെ ആരോഗ്യ വകുപ്പ് ഡയറക്ടറുമായും അദ്ദേഹം ചര്‍ച്ച നടത്തി. നാഷനല്‍ സെന്റര്‍ ഫോര്‍ ഡിസീസ്( എന്‍.സി.ഡി.സി )സംഘവും പരിശോധന തുടരുന്നുണ്ട്. നിപ്പ സ്ഥിരീകരിച്ച പ്രദേശങ്ങളില്‍ നിന്നുള്ളവര്‍ പനിയും മറ്റു അസുഖങ്ങളുമായി ചികിത്സക്കെത്തിയാല്‍ ഒരു കാരണവശാലും അവര്‍ക്ക് ചികിത്സ നിഷേധിക്കരുതെന്ന് ഡി.എം.ഒ അറിയിച്ചു.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.