2019 June 17 Monday
നമ്മളിലുള്ള നന്മയാണു നമ്മുടെ നീതിബോധം -തിരുവള്ളുവര്‍

നികുതി വെട്ടിപ്പ്; മെസ്സിയുടെ തടവുശിക്ഷ കോടതി ശരിവച്ചു

മാഡ്രിഡ്: അര്‍ജന്റീന ഫുട്‌ബോള്‍ താരം ലയണല്‍ മെസ്സിയുടെ തടവുശിക്ഷ സ്പാനിഷ് സുപ്രിം കോടതി ശരിവച്ചു. നികുതി വെട്ടിച്ച കേസിലാണ് ശിക്ഷ.

21 മാസവും 20 ലക്ഷം യൂറോ (ഏകദേശം 13.2 കോടി രൂപ) പിഴയും അടയ്ക്കണമെന്ന വിധിക്കെതിരെ മെസ്സി സുപ്രിം കോടതിയെ സമീപിച്ചിരുന്നു. 2007നും 2009 നും ഇടയ്ക്ക് പ്രതിഫലമായി ലഭിച്ച പണത്തില്‍ 42 ലക്ഷം യൂറോ (ഏകദേശം 32 കോടി രൂപ) നികുതിയിനത്തില്‍ വെട്ടിച്ചുവെന്നാണ് കേസ്.

മെസ്സിയുടെ പിതാവ് ജോര്‍ജി ഹൊറാസിയോയ്ക്കും 21 മാസം തടവും 15 ലക്ഷം യൂറോ പിഴയും വിധിച്ചിരുന്നു. എന്നാല്‍ സ്‌പെയിനിലെ നിയമപ്രകാരം സിവില്‍ കേസില്‍ രണ്ടു വര്‍ഷത്തില്‍ താഴെയുള്ള തടവുശിക്ഷയായതിനാല്‍ ശിക്ഷ അനുഭവിക്കേണ്ടി വരില്ല. പിഴ മാത്രം അടച്ചാല്‍ മതിയാവും.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.