2018 November 16 Friday
നിങ്ങള്‍ മൂന്നുപേരുള്ളപ്പോള്‍ രണ്ട് പേര്‍ മാത്രം മാറിനിന്ന് സ്വകാര്യം പറയരുത്

രാജ്യത്തെ മുസ്‌ലിംകളും ദലിതുകളും ഒന്നിക്കേണ്ട സമയം; കോടതി വിധി അനുകൂലമായാല്‍ ബാബരി മസ്ജിദ് ഞങ്ങള്‍ പണിതുതരും: ഭീം ആര്‍മി സേന

ന്യൂഡല്‍ഹി: ബാബരി മസ്ജിദ് നിലനിന്നിരുന്ന ഭൂമിയുടെ ഉടമസ്ഥാവകാശം സംബന്ധിച്ച് സുപ്രിംകോടതി മുമ്പാകെയുള്ള കേസില്‍ മുസ്‌ലിംകള്‍ക്കനുകൂലമായിട്ടാണ് ഉത്തരവ് വരുന്നതെങ്കില്‍ പള്ളി ഞങ്ങള്‍ നിര്‍മിച്ചുതരാമെന്ന് ഭീം ആര്‍മി സേന. മുസ്‌ലിംകള്‍ക്കും ദലിതുകള്‍ക്കുമെതിരേ അക്രമങ്ങളും അനീതിയും വര്‍ധിക്കുന്നത് സാമൂഹ്യസമഗ്രതയ്ക്ക് എതിരാണ്.

രാജ്യത്ത മുസ്‌ലിംകളും ദലിതുകളും ഒന്നിച്ചു നില്‍ക്കേണ്ട സമയമാണെന്നും ഭീം സേനാ ദേശീയ അധ്യക്ഷന്‍ രാജേന്ദ്ര മാന്‍ പറഞ്ഞു. ഉത്തര്‍പ്രദേശിലെ കാണ്‍പൂരില്‍ ദലിത്- മുസ്‌ലിം യുണിറ്റി കണ്‍വെന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

രാജ്യത്ത് 85 ശതമാനം ആളുകളെ 15 ശതമാനം വരുന്നവര്‍ ഭരിക്കുന്ന സാഹചര്യമാണുള്ളത്. മഹാത്മാഗാന്ധിയുടെ അഹിംസാവാദത്തില്‍ തങ്ങള്‍ വിശ്വസിക്കുന്നില്ല. അംബേദ്കര്‍ എഴുതിയ ഭരണഘടനയില്‍ മാത്രമെ തങ്ങള്‍ വിശ്വസിക്കുന്നുള്ളൂ. രാജ്യത്തുടനീളം ദലിതുകളും മുസ്ലിംകളും ദിനേനയെന്നോണം ആക്രമിക്കപ്പെട്ടുകൊണ്ടിരിക്കുകയാണെന്നും അദ്ദേഹം പറഞ്ഞു. രാജ്യത്തെ എല്ലാ സംസ്ഥാനങ്ങളിലേക്കും ഭീം ആര്‍മിയുടെ പ്രവര്‍ത്തനം വ്യാപിപ്പിക്കുമെന്നും അദ്ദേഹം കൂട്ടിച്ചേര്‍ത്തു.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.