2019 February 16 Saturday
യഥാര്‍ഥ മഹാന്‍ ഒരിക്കലും തന്നെക്കുറിച്ച് അങ്ങനെ കരുതിയിട്ടേയുണ്ടാകില്ല!

സഊദിയിൽ വാഹനാപകടം; നിലമ്പൂർ സ്വദേശി മരിച്ചു 

 
റിയാദ്: സഊദിയിലെ അൽഖുർമയിലുണ്ടായ വാഹനാപകടത്തിൽ മലപ്പുറം സ്വദേശി മരിച്ചു. നിലമ്പൂർ അമരമ്പലം സ്വദേശി തട്ടാരുപ്പറമ്പിൽ വേണുഗോപാലാണ് (53) മരിച്ചത്.
 
ബുധനാഴ്ച രാവിലെ ഇദ്ദേഹം ഓടിച്ചിരുന്ന ടാങ്കർ ലോറി നിയന്ത്രണം വിട്ട് മറിഞ്ഞാണ് അപകടം. അൽഖുർമയിൽ നിന്ന് 40 കിലോ മീറ്റർ അകലെ ഗരീബിൽ പോയി വെള്ളം നിറച്ച് തിരികെ ഖുറമയിലേക്കുള്ള യാത്ര മധ്യേയാണ് അപകടം. തലക്ക് ഗുരതരമായി പരിക്കേറ്റതിനെ തുടർന്നാണ് മരണം. 23 വർഷമായി അൽഖുർമയിലെ ഒരു കോഴി ഫാമിൽ ഡ്രൈവറായി ജോലി ചെയ്തുവരികയാണ്.
 
അൽഖുർമ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലെത്തിച്ച് സംസ്‌കരിക്കും. നടപടി ക്രമങ്ങൾ പൂർത്തീകരിക്കുന്നതിന് അൽഖുർമ കെ.എം.സി.സി രംഗത്തുണ്ട്. ഭാര്യ: അനിത മോൾ. മക്കൾ; വിഷ്ണു ദാസ്, ജിഷ്ണു.

  

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.