2018 December 11 Tuesday
ഏറ്റവും വലിയ ഇരുമ്പുമറ സ്വന്തം മനസിനു ചുറ്റും നാം പണിയുന്നതാണ്-ജവഹര്‍ലാല്‍ നെഹ്‌റു

ബെംഗളൂരു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സില്‍ പൊട്ടിത്തെറി: ഗവേഷകന്‍ മരിച്ചു

ബംഗളൂരു: ബംഗളൂരുവിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സി (ഐ.ഐ.എസ്.സി)ലുണ്ടായ പൊട്ടിത്തെറിയില്‍ 32കാരനായ ഗവേഷകന്‍ മരിച്ചു. മൂന്നു പേര്‍ക്കു ഗുരുതരമായി പരുക്കേറ്റു. ഇന്‍സ്റ്റിറ്റ്യൂട്ടിലെ എയ്‌റോസ്‌പേസ് ലാബിലെ ഹൈഡ്രജന്‍ സിലിണ്ടര്‍ പൊട്ടിത്തെറിച്ചായിരുന്നു അപകടം.

മൈസൂരു സ്വദേശി മനോജ് കുമാറാണ് മരിച്ചത്. അതുല്യ ഉദയകുനാര്‍, നരേഷ് കുമാര്‍, കാര്‍ത്തിക് ഷേണായ് എന്നിവര്‍ക്കാണ് പരുക്കേറ്റത്. അതിതീവ്രതയിലുള്ള സ്‌ഫോടനത്തില്‍ ഇതിനടുത്തുണ്ടായിരുന്ന നാലു ഗവേഷകരും ദൂരേയ്ക്കു തെറിച്ചുപോയി.

മനോജ്കുമാര്‍ 20 അടി ദൂരേയ്ക്കാണ് തെറിച്ചത്. ഉച്ചയ്ക്ക് 2.20നായിരുന്നു സ്‌ഫോടനം. സംഭവത്തെക്കുറിച്ച് ഫോറന്‍സിക് സയന്‍സ് ലബോറട്ടറി അന്വേഷണം തുടങ്ങി. നാലു പേരും സൂപ്പര്‍ വേവ് ടെക്‌നോളജി എന്ന സ്വകാര്യ സ്ഥാപനത്തിലെ ഗവേഷകരാണ്.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.