2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

സീറ്റ് ബെല്‍റ്റ്, ഡോര്‍, രണ്ട് ഹെഡ്‌ലൈറ്റ്: ഇനി ഓട്ടോറിക്ഷയ്ക്ക് ഇതെല്ലാം നിര്‍ബന്ധം

 

ന്യൂഡല്‍ഹി: ഡുക് ഡുക് വണ്ടി, ചീറിപ്പായുന്ന ഓട്ടോറിക്ഷകള്‍ക്ക് സുരക്ഷാ കവചമൊരുക്കാന്‍ പുതിയ ചട്ടം വരുന്നു. സീറ്റ് ബെല്‍റ്റ്, രണ്ട് ഹെഡ്‌ലൈറ്റ്, ഡോര്‍ തുടങ്ങിയവ ഓട്ടോറിക്ഷകളിലും സജ്ജീകരിക്കണമെന്ന നിര്‍ദേശമാണ് കേന്ദ്ര റോഡ് ഗതാഗത മന്ത്രാലയം നിര്‍ദേശം പുറപ്പെടുവിച്ചിരിക്കുന്നത്.

ഡ്രൈവര്‍ക്കും യാത്രക്കാര്‍ക്കും സീറ്റ് ബെല്‍റ്റ് നിര്‍ബന്ധമാക്കും. യാത്രക്കാര്‍ റിക്ഷകളില്‍ നിന്ന് തെറിച്ചുണ്ടാകുന്ന അപകടം ഒഴിവാക്കാനാണ് ഡോര്‍ ഘടിപ്പിക്കണമെന്ന നിര്‍ദേശം. ഓട്ടോറിക്ഷകളെ ടാക്‌സികളായി കണക്കാക്കിയായിരിക്കും നിര്‍ദേശങ്ങള്‍ പുറത്തിറക്കുക.

ഇപ്പോള്‍ റിക്ഷകള്‍ക്ക് ഒരു ഹെഡ്‌ലൈറ്റാണുള്ളത്. ഇത് രണ്ടായി വര്‍ധിപ്പിക്കണം. സീറ്റ് സജ്ജീകരിക്കുന്നതിനും പൊതുമാനദണ്ഡം കൊണ്ടുവരും. ഡല്‍ഹി, മുംബൈ നഗരങ്ങളില്‍ ഉള്ള സീറ്റിനേക്കാള്‍ വിശാലമാണ് ഉത്തര്‍പ്രദേശ് പോലുള്ള സ്ഥലങ്ങളിലുള്ളത്.

എത്ര പേര്‍ക്ക് വരെ ഒരേ സമയം യാത്ര ചെയ്യാമെന്ന നിര്‍ദേശവും കൊണ്ടുവരും. അടുത്തവര്‍ഷം പുതിയ ചട്ടങ്ങള്‍ നടപ്പിലാക്കുമെന്നാണ് റിപ്പോര്‍ട്ട്. കൃത്യമായ സമയം അറിയിച്ചിട്ടില്ല.

2017 ല്‍ ഓട്ടോറിക്ഷകള്‍ ഉള്‍പ്പെട്ട 29,000 അപകടങ്ങളാണ് രാജ്യത്തുണ്ടായത്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.