2019 January 24 Thursday
പരിഹാസമെന്നത് പിശാചിന്റെ ഭാഷയത്രെ

ജി സാറ്റ് 7 എ വിജയകരമായി ഭ്രമണപഥത്തില്‍

 

ന്യൂഡല്‍ഹി: സൈനിക പര്യവേഷണത്തിനായി ഇന്ത്യ വിക്ഷേപിച്ച ജി സാറ്റ് 7 എ വിജയകരമായി ഭ്രമണപഥത്തിലെത്തി. ശ്രീഹരിക്കോട്ടയില്‍ നിന്ന് ജി.എസ്.എല്‍.വി എഫ്11 റോക്കറ്റിലാണ് ജിസാറ്റ്7എ ഭ്രമണപഥത്തിലേക്ക് കുതിച്ചത്.

സതീഷ് ധവാന്‍ ബഹിരാകാശകേന്ദ്രത്തിലെ രണ്ടാം വിക്ഷേപണത്തറയില്‍ നിന്നുമാണ് ജിസാറ്റ്7 എ പറന്നുയര്‍ന്നത്. വ്യോമസേനയുടെ നിരീക്ഷണം ലക്ഷ്യമിട്ട് വിക്ഷേപിച്ചത് കൊണ്ട് ഇന്ത്യയുടെ ആന്‍ഗ്രി ബേഡ് എന്നാണ് ജി സാറ്റ് 7നെ വിശേഷിപ്പിക്കുന്നത്. വിക്ഷേപണത്തിന് മുന്നോടിയായുള്ള 26 മണിക്കൂര്‍ കൗണ്ട് ഡൗണ്‍ ഇന്നലെ ആരംഭിച്ചിരുന്നു.

എട്ടു വര്‍ഷത്തെ കാലാവധിയാണ് 2250 കിലോ ഗ്രാം ഭാരമുള്ള ജി സാറ്റ് 7 എയ്ക്കുള്ളത്. വ്യോമസേനയ്ക്ക് പുറമെ കരസേനയ്ക്കും ഉപകാരപ്പെടുന്നതാണ് ഉപഗ്രഹം. എന്നാല്‍ ഉപഗ്രഹത്തിന്റെ 70 ശതമാനം പ്രവര്‍ത്തനവും വ്യോമസേനക്ക് വേണ്ടിയായിരിക്കും. ഒപ്പം കരനാവിക സേനയുടെ ഹെലികോപ്ടറുകളെ വ്യോമസേനയുമായി ബന്ധിപ്പിക്കാനും ഉപഗ്രഹത്തിലൂടെ സാധിക്കും.

ക്രയോജനിക് സാങ്കേതിക വിദ്യ ഉപയോഗിച്ചുള്ള ഇന്ത്യയുടെ ഏഴാമത്തെ വിക്ഷേപണമാണിത്. നിലവില്‍ അമേരിക്കയ്ക്കും റഷ്യക്കും മാത്രമാണ് ഇത്തരം സൈനിക ഉപഗ്രഹമുള്ളത്. യുദ്ധ വിമാനങ്ങളുടെ നിരീക്ഷണമടക്കം നിരവധി ദൗത്യങ്ങളാണ് ജി സാറ്റ് 7 എയുടേത്. ജിഎസ്എല്‍വി ശ്രേണിയിലെ 13ാം വിക്ഷേപണ വാഹനമാണ് ജിഎസ്എല്‍വി എഫ്11.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.