2019 June 20 Thursday
കുറഞ്ഞ ഗുണത്തിനു നന്ദി ചെയ്യാത്തവന്‍ അധിക ഗുണങ്ങള്‍ക്കും നന്ദി ചെയ്യുകയില്ല. ജനങ്ങളോട് നന്ദി ചെയ്യാത്തവര്‍ക്ക് അല്ലാഹുവിനോടും നന്ദിയുണ്ടാവുകയില്ല -മുഹമ്മദ് നബി(സ)

തെര. കമ്മിഷന്‍ വെബ്‌സൈറ്റില്‍ ഫലം രണ്ടു മണിക്കൂര്‍ വൈകിയതിനു പിന്നില്‍ ഒരു പാര്‍ട്ടി

 

രാജ്യത്തെ എല്ലാ ടെലിവിഷന്‍ ചാനലുകളും ന്യൂസ് വെബ്‌പോര്‍ട്ടലുകളും തെരഞ്ഞെടുപ്പ് ഫലം ലൈവായി നല്‍കി. അഞ്ച് നിയമസഭാ തെരഞ്ഞെടുപ്പ് ഫലങ്ങളും മാറിമറിയുന്ന ചിത്രങ്ങളും ഓരോ നിമിഷവും ലൈവായി ടെലകാസ്റ്റ് ചെയ്തപ്പോള്‍ ഒരു വെബ്‌സൈറ്റ് മാത്രം അനങ്ങാതെയിരുന്നു. തെരഞ്ഞെടുപ്പ് കമ്മിഷന്റെ വെബ്‌സൈറ്റായിരുന്നു ഇത്.

മുന്‍പു നടന്ന എല്ലാ തെരഞ്ഞെടുപ്പുകളിലും കൃത്യമായി വിവരങ്ങള്‍ നല്‍കിയിരുന്ന വെബ്‌സൈറ്റ് നിശ്ചലമായതിനു പിന്നിലുള്ള കാരണമാണ് വിചിത്രമാവുന്നത്. മിസോറമിലെ ഒരു പാര്‍ട്ടിയുടെ പേരാണ് പണി പറ്റിച്ചതെന്നാണ് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നത്.

People’s Right to Information and Development Implementation Society of Mizoram (PRISM) എന്നാണ് പാര്‍ട്ടിയുടെ പേര്. ഇത് 60 അക്ഷരങ്ങളില്‍ കൂടുതലായതു കൊണ്ട് അപ്‌ഡേഷന്‍ പറ്റിയില്ലെന്നാണ് റിപ്പോര്‍ട്ട്. സംഭവം ശ്രദ്ധയില്‍പ്പെട്ടതിനെത്തുടര്‍ന്ന് പരിഹാരം കണ്ടെത്തി. തുടര്‍ന്നാണ് അപ്‌ഡേഷന്‍ കൃത്യമായത്.

അഴിമതി വിരുദ്ധ സംഘടന പിന്നീട് രാഷ്ട്രീയപാര്‍ട്ടിയായി പ്രഖ്യാപിച്ച് തെരഞ്ഞെടുപ്പില്‍ മത്സരിക്കുകയായിരുന്നു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.