2019 February 18 Monday
എന്റെ കാലിന്റെ ഗതിനിയന്ത്രിക്കുന്നത് ഒരു വിളക്കാണ്. അത് എന്താണെന്നോ? അനുഭവദീപം! -പാട്രിക് ഹെന്റി

വിട്ടുനല്‍കണമെന്ന ചൈനയുടെ ആവശ്യത്തിനു വഴങ്ങിയില്ല; തായ്‌ലാന്റില്‍ നിന്നു ജയില്‍ ചാടിയെത്തിയ 11 ഉയ്ഗുറുകളെ മലേഷ്യ മോചിപ്പിച്ചു

ക്വാലലംപൂര്‍: തായ്‌ലാന്റില്‍ നിന്ന് ജയില്‍ചാടി മലേഷ്യയിലെത്തിയ 11 ഉയ്ഗുറുകളെ മോചിപ്പിച്ചു. ഇവരെ വിട്ടുനല്‍കണമെന്ന ചൈനയുടെ ആവശ്യം നിരാകരിച്ചാണ് മലേഷ്യയുടെ നടപടി.

മാനുഷിക പരിഗണന നല്‍കി വിട്ടയക്കുന്നുവെന്നാണ് മലേഷ്യ പ്രഖ്യാപിച്ചത്. പിന്നാലെ ഇവര്‍ ക്വാലലംപൂര്‍ വഴി തുര്‍ക്കിയിലേക്കു പോവുകയും ചെയ്തു.

ഷിന്‍ജിയാങ് പ്രദേശത്തുള്ള ഉയ്ഗുര്‍ മുസ്‌ലിംകള്‍ക്കെതിരെ വംശീയ ആക്രമണം നടത്തുന്ന ചൈനയുടെ ആവശ്യം നിരാകരിച്ചത് നയതന്ത്ര ബന്ധത്തില്‍ ഉലച്ചിലുണ്ടാക്കിയേക്കാം. നേരത്തെയും ചൈനയ്‌ക്കെതിരെ ശക്തമായ നിലപാടുമായി ഈയിടെ തെരഞ്ഞെടുക്കപ്പെട്ട പ്രധാനമന്ത്രി മഹാതീര്‍ മുഹമ്മദ് രംഗത്തെത്തിയിരുന്നു. ചൈനീസ് കമ്പനികള്‍ക്കു നല്‍കിയിരുന്ന 20 ബില്യണ്‍ യു.എസ് ഡോളറിന്റെ പദ്ധതികള്‍ അദ്ദേഹം റദ്ദാക്കിയിരുന്നു.

ഉയ്ഗുറുകളെ വിട്ടയച്ച സംഭവത്തില്‍ മലേഷ്യന്‍ വിദേശകാര്യ മന്ത്രാലയമോ ചൈനയെ ഇതുവരെ പ്രതികരണം അറിയിച്ചിട്ടില്ല.

തായ്‌ലാന്റ് ജയിലിലായിരുന്ന 11 പേരും ജയില്‍ പൊളിച്ചാണ് രക്ഷപ്പെട്ടത്. അതിര്‍ത്തി കടന്ന് മലേഷ്യയിലെത്തിയ ഇവരെ കഴിഞ്ഞവര്‍ഷം പിടികൂടുകയായിരുന്നു. ഇവരെ വിട്ടുകിട്ടാന്‍ ചൈന കടുത്ത സമ്മര്‍ദം ചെലുത്തിയിരുന്നു.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.