2019 October 22 Tuesday
ഏറ്റവും വലിയ പാപം ഞാന്‍ കഴിവുകെട്ടവനാണ് എന്ന വിചാരമാണ്.

ഇസ്‌റാഈല്‍ വീടിനു നേരെ റോക്കാറ്റാക്രമണം; തിരിച്ചടിയുടെ പേരില്‍ ഗസ്സയില്‍ യുദ്ധവിമാനാക്രമണം

ജറൂസലം: ഗസ്സയില്‍ ഇസ്‌റാലിന്റെ യുദ്ധ വിമാനങ്ങള്‍ കടുത്ത ആക്രമണം നടത്തുന്നു. 25 ഫലസ്തീനികള്‍ കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തു. വടക്കന്‍ ഗസ്സയിലാണ് ബുധനാഴ്ച പുലര്‍ച്ചെ ആക്രമണമുണ്ടായത്.

ഗസ്സയില്‍ നിന്ന് ഇസ്‌റാഈല്‍ വീടിനു നേരെ റോക്കറ്റാക്രമണമുണ്ടായെന്നാരോപിച്ചാണ് ഇസ്‌റാഈലിന്റെ ആക്രമണം. ദക്ഷിണ ഇസ്‌റാഈലിലെ ബീര്‍ഷേബയില്‍ വീടു തകര്‍ത്തുവെന്നാണ് ആരോപണം.

ഗസ്സ മുനമ്പില്‍ നിന്ന് പുലര്‍ച്ചെ നാലു മണിയോടെയാണ് ആക്രമണമുണ്ടായതെന്ന് ഇസ്‌റാഈലി സൈന്യം ട്വീറ്റ് ചെയ്തു.

മറ്റൊരു റോക്കറ്റ് ഇസ്‌റാഈലിലെ തെല്‍ അവീവിലും വീണുവെന്നും റിപ്പോര്‍ട്ടുണ്ട്. പരുക്കുകളൊന്നുമില്ല.

11 വര്‍ഷമായി തുടരുന്ന ഗസ്സ ഉപരോധത്തിനിടെ ഇതാദ്യമായാണ് ഇസ്‌റാഈലി വീടിനു നേരെ റോക്കറ്റാക്രമണമുണ്ടാവുന്നത്. പുതിയ സംഭവത്തോടെ ഗസ്സ മുനമ്പ് കൂടുതല്‍ സംഘര്‍ഷഭരിതമായിരിക്കുകയാണ്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.